নগাঁৱত মহিলা কৰ্মচাৰীৰ দ্বাৰা পৰিচালিত হ’ব ১৫ টা ভোট গ্ৰহণ কেন্দ্ৰ

নগাঁও সংসদীয় সমষ্টিৰ বাবে নগাঁও জিলা নিৰ্বাচনী বিষয়াৰ অধীনস্থ ১৫ টা ভোট গ্ৰহন কেন্দ্ৰত মহিলা কৰ্মচাৰীৰ দ্বাৰা পৰিচালিত হ’ব। জিলা নিৰ্বাচনী বিষয়াই জনোৱা মতে, নগাঁও বিধানসভা সমষ্টিৰ অন্তৰ্গত দক্ষিণ হয়বৰগাওঁ কলংপাৰ এল পি স্কুলত ভোট গ্ৰহন কেন্দ্ৰৰ পূব খণ্ড, পশ্চিম খণ্ড, মধ্য খণ্ড, নগাঁও আইন মহাবিদ্যালয়ৰ ভোট গ্ৰহণ কেন্দ্ৰৰ পূৱ, পশ্চিম, মধ্য খণ্ড, নগাঁও বেঙ্গলী ছোৱালী উচ্চ মাধ্যমিক বিদ্যালয়ৰ পূব, পশ্চিম, মধ্য, উত্তৰ খণ্ড, ৰত্ন কান্ত বৰকাকতী হাইস্কুলৰ পশ্চিম, উত্তৰ কেণ্ড আৰু কিৰণবালা গোস্বামী ছোৱালী হাইস্কুল ভোট গ্ৰহন কেন্দ্ৰৰ পূৱ পশ্চিম দক্ষিন খণ্ডৰ ভোট গ্ৰহণৰ প্ৰক্ৰিয়া মহিলা কৰ্মচাৰীৰ দ্বাৰা পৰিচালিত হ’ব। ইতিমধ্যে এই কেন্দ্ৰ সমূহৰ বাবে নিয়োজিত মহিলা কৰ্মচাৰী সকলক যাবতীয় প্ৰশিক্ষণ দিয়াৰ ব্যৱস্থা কৰা হৈছে। আনহাতে, কলিয়াবৰ সংসদীয় সমষ্টিৰ অন্তৰ্গত কলিয়াবৰ মহকুমাৰ, নিৰ্বাচনী বিষয়াৰ অধীনস্থ কলিয়াবৰ বিধানসভা সমষ্টিৰ অন্তৰ্গত দুটা ভোট গ্ৰহন কেন্দ্ৰত মহিলা কৰ্মচাৰীৰ দ্বাৰা পৰিচালিত হ’ব। এই কেন্দ্ৰ দুটা হ’ল কুঁৱৰী টোল হাইস্কুল ভোট গ্ৰহন কেন্দ্ৰৰ ২ আৰু ৩ নং খণ্ড। ইয়াকে লৈ নগাঁও জিলাত মহিলা কৰ্মচাৰীৰ দ্বাৰা পৰিচালিত ভোট গ্ৰহণ কেন্দ্ৰৰ সংখ্যা ১৭টা হ’ব। উল্লেখ্য যে মহিলা ভোটাৰক আকৰ্ষণ কৰাৰ বাবেই নিৰ্বাচনী আয়োগে এই ব্যৱস্থা গ্ৰহণ কৰিছে।