ছ’চিয়েল মিডিয়াত ওমৰ আব্দুল্লাৰ ট্ৰল
এইবাৰ লোকসভা নিৰ্ব্বাচনৰ মথুৰা সমষ্টিৰ বিজেপিৰ প্ৰাৰ্থী তথা প্ৰবীণ অভিনেত্ৰী হেমা মালিনীৰ প্ৰচাৰ অভিযানে বহু লোকৰ দৃষ্টি আকৰ্ষণ কৰিছে । কিছুদিন পূৰ্বে বিজেপিত যোগদান কৰি দলৰ প্ৰাৰ্থীত্ব লাভ কৰা একালৰ সমাজবাদী পাৰ্টিৰ সাংসদগৰাকীয়ে অভিনৱ ধৰণেৰে প্ৰচাৰ চলাইছে ।শেহতীয়াভাৱে তেওঁ ট্ৰেক্টৰ চলাই প্ৰচাৰত নমাৰ ফটো ছ’চিয়েল মিডিয়াত প্ৰচাৰ হৈছে । এই ফটোৱে অগণন ছ’চিয়েল মিডিয়া ব্যৱহাৰকাৰীৰ দৃষ্টি আকৰ্ষণ কৰিছে । ফটোখনত গুলপীয়া শাড়ী আৰু ছানগ্লাছ পৰিধান কৰি মুখত মিচিকিয়া হাঁহি বিৰিঙাই হেমা মালিনীয়ে ট্ৰেক্টৰৰ ষ্টিয়েৰিং পকাই থকা দেখা গৈছে । এটা ফটোত দৃষ্টি পৰিছে নেচনেল কনফাৰেন্স দলৰ নেতা তথা জম্মু-কাশ্মীৰৰ প্ৰাক্তন মুখ্যমন্ত্ৰী ওমৰ আব্দুল্লাৰ । স্বাভাৱিকতে বিৰোধী দলৰ নেতাজনে ফটোখনক লৈ কটাক্ষ কৰিছে। তেওঁ ছ’চিয়েল মিডিয়াত হেমা মালিনীক ট্ৰলো কৰিছে । হেমা মালিনীয়ে চলাই থকা ট্ৰেক্টৰখনক চৌখিন (ফেন্সী)ট্ৰেক্টৰ বুলি আব্দুল্লাই মন্তব্য কৰি কয়, ‘ ট্ৰেক্টৰখনৰ কাষত থকা ড্ৰামবোৰ কি? কোনোবাই মোক নক’ব যে সেইবোৰ চৌপাশ শীতল কৰিবৰ বাবে ব্যৱহাৰ কৰা সেমেকা বতাহ দিয়া জেনেৰেটৰ বুলি । সেইখন এখন ফেন্সী ট্ৰেক্টৰ ।