অসম সহ উত্তৰ পূবৰ সৈতে ৰেল যোগাযোগ বিচ্ছিন্নঃ জোৰাই ষ্টেছন পানীৰ তলত

শ্ৰীৰামপুৰ : যোৱা নিশাৰ পৰা ধাৰাসাৰ বৰষুণৰ ফলত সৃষ্টি হোৱা পৰিস্থিতিত সম্পূৰ্ণ ভাৱে বিপৰ্যস্ত হৈ পৰিছে উত্তৰ-পূব ৰেলৰ যাত্ৰী পৰিসেৱা।অসম-বংগ সীমান্তৰ জোৰাই ৰেল ষ্টেচনৰ ৰে’ল লাইনৰ উপৰত পানী আৱদ্ধ হৈ পৰাত বৈদ্যুতিক বিজুতি ঘটে।শ্বৰ্ট চাৰ্কিটৰ ফলত চিগনালিং ব্যৱস্হা আৰু অন্যান্য যান্ত্ৰিক সমস্যা দেখা দিয়াৰ উপৰি প্ৰবল বৰষুণৰ ফলত কেইবা ঠাইত ৰে’ল আলিৰ মাটি সৰি পৰাত উক্ত ৰেলপথ বন্ধ কৰি দিয়া হয়।যাৰ ফলত অসম তথা উত্তৰ- পূৰ্বাঞ্চলৰ সৈতে সমগ্ৰ দেশৰ ৰে’ল যোগাযোগ বিচ্ছিন্ন হৈ পৰে। ৰেলপথ বন্ধ হৈ পৰাৰ ফলত যাত্ৰীবাহী একাধিক ৰে’ল বিভিন্ন ষ্টেছনত আৱদ্ধ হৈ আছে বুলি ৰে’ল সূত্ৰত প্ৰকাশ।ইয়াৰে নামনিমূৱা ৰাজধানী এক্সপ্ৰেছ ,সম্পৰ্ক ক্ষান্তি এক্সপ্ৰেছ,কেপিটেল,শৰাইঘাট এক্সপ্ৰেছ ৰে’ল সহ দহ যোৰ ৰে’ল বিভিন্ন ষ্টেছনত আৱদ্ধ হৈ আছে।আৱদ্ধ হৈ থকা ৰেলৰ যাত্ৰী সকলে পৰিছে ভীষণ সমস্যাত। ষ্টেছন সমূহত নাই পৰ্যাপ্ত খাদ্য-খোৱাপানীৰ ব্যৱস্হা। যাত্ৰী সকলৰ মাজত আছে বহু বয়সস্হ লোক আৰু অনেক শিশু। তেওঁলোকৰ অৱস্হা অধিক বেয়া হৈ পৰিছে। ইপিনে বতৰ বিজ্ঞানীৰ মতে অহা ২৪ ঘণ্টা আৰু অধিক বৰষুণৰ সম্ভাৱনা আছে বুলি জনোৱা হৈছে।ফলত ৰে’ল চলাচল কেতিয়া স্বাভাৱিক হ’ব বেয়া ৰেলৰ ঊৰ্ধ্বতন কৰ্তৃপক্ষই নিশ্চিতভাৱে ক’ব পৰা নাই।এনে অৱস্থাত হেজাৰ হেজাৰ ৰেলযাত্ৰীৰ মাজত চৰম সংকট আৰু হতাশা দেখা দিছে।উল্লেখ্য যে শ্ৰীৰামপুৰ ষ্টেছনতো দুটা যাত্ৰী ৰে’ল ৰখাই থোৱা পৰিলক্ষিত হৈছে।