কলগাছিয়া ১৯ অক্টোবৰঃ জনীয়া সমষ্টিৰ উপ-নিৰ্বাচনৰ প্ৰচাৰ অভিযানৰ আজি অন্তিম দিনা কলগাছিয়াত কংগ্ৰেছৰ এখন বিশাল নিৰ্বাচনী জনসভাত জনসমুদ্ৰৰ সৃষ্টি হয় । উক্ত সভাত কংগ্ৰেছৰ মনোনীত প্ৰাৰ্থী ছামচুল হকৰ হৈ নিৰ্বাচনী প্ৰচাৰ চলায় সাংসদ আব্দুল খালেক, বিধায়ক ক্ৰমে ওৱাজেদ আলী চৌধুৰী, শুকুৰ আলী আহমেদ, আব্দুল হাই নাগৰি, কংগ্ৰেছ নেতা আব্দুছ ছামাদ, প্ৰাক্তন বিধায়ক আব্দুৰ ৰহিম খান, আমছুৰ প্ৰাক্তন ৰাজ্যিক সভাপতি আব্দুৰ ৰহিম আহমেদ, বৰপেটা জিলা পৰিষদৰ সভানেত্ৰী খানম নাজিমা আহমেদ প্ৰমুখ্যে নেতা সকলে। কংগ্ৰেছৰ সভাত বিপুল ভোটাৰৰ সহাৰি দেখি সাংসদ আব্দুল খালেকে কয় ছামচুল হকৰ বিজয় নিশ্চিত । ভাষণত কংগ্ৰেছ প্ৰাৰ্থী ছামচুল হকক সমষ্টিৰ উন্নয়নৰ স্বাৰ্থত ভোট দিবলৈ ৰাইজক আহ্বান জনোৱাৰ লগতে সাম্প্ৰদায়িক ৰাজনীতি কৰি হিন্দু মুছলমানৰ ভাতৃত্ব বিনষ্ট কৰা এ আই ইউ ডি এফ দলৰ চুপ্ৰিমো মৌলানা বদৰ উদ্দিন আজমল অসমৰ মুছলমান সকলৰ এক নম্বৰ শত্ৰু বুলি অভিহিত কৰে সাংসদ আব্দুল খালেকে । লগতে তেওঁ কয়, যোৱা লোক সভাৰ নিৰ্বাচন, বিধান সভাৰ নিৰ্বাচনত বেয়াকৈ পৰাজিত হোৱা ড০ হাফিজ ৰফিকুল ইছলামক এইবাৰো ৰাইজে পৰাজিত কৰি কংগ্ৰেছৰ হাত শক্তিশালী কৰিব বুলি মন্তব্য কৰে । লগতে তেওঁ আৰু কয় যে, আল্লাহৰ ৰহমতত ছামচুল হকক জনীয়াৰ ৰাইজে দহ হাজাৰৰো অধিক ভোটত জিকাব | সভাখনত কংগ্ৰেছ প্ৰাৰ্থী ছামচুল হকৰ সমৰ্থনত গীত গাই ভোট ভিক্ষা কৰে এগৰাকী শিল্পীয়ে । ইফালে কলগাছিয়াৰ ৰাজহুৱা খেল পথাৰত এ আই ইউ ডি এফৰ ড০ হাফিজ ৰফিকুল ইছলামৰ হৈ বিশাল নিৰ্বাচনী জনসভাত অংশ গ্ৰহণ কৰে সাংসদ বদৰুদ্দিন আজমল, বিধায়ক ক্ৰমে আমিনুল ইছলাম, বছিৰ আহমেদ কাছিমী, মামুন ইমদাদুল হক চৌধুৰী প্ৰমুখ্যে নেতা সকলে । বক্তা সকলে ভাষণ প্ৰদান কৰি কংগ্ৰেছ আৰু বিজেপিক কঠোৰ সমালোচনা কৰে । উপ নিৰ্বাচনত ৪ আসনতে কংগ্ৰেছৰ শূন্য হব বুলি বদৰুদ্দিন আজমলে সাংবাদিকক জানিবলৈ দিয়ে। আনহাতে জনীয়াৰ শ্বৰিয়ত পুৰতো বিজেপিৰ ৰাজ্যিক সভাপতি ৰঞ্জিত কুমাৰ দাসে হেলিকপ্টাৰ যোগে পদাৰ্পন কৰি ৰাজহুৱা সভাত ভাষণ প্ৰদান কৰি কয় যে জনীয়াত বিজেপিয়ে ভাল ফলাফল কৰিব। তৌফিকুৰ ৰহমান জিকিলে কলগাছিয়াত মুখ্যমন্ত্ৰী সৰ্বানন্দ সোনোৱালে এক সপ্তাহৰ ভিতৰত পুনৰ আহি জনীয়াৰ ৰাইজক সম্ভাষণ জনাব আৰু এমাহৰ ভিতৰত ভাৰতৰ প্ৰধানমন্ত্ৰী নৰেন্দ্ৰ মোদীৰ উপস্থিতিত জনীয়া সমষ্টিৰ কলগাছিয়াত বিজয় উৎসৱ উদযাপন কৰা কৰা হব বুলি ভাষণত কয় । লগতে সংখ্যালঘু মৰ্চাৰ সভাপতি মুক্তাৰ হুছেইন খান, বিজেপি নেতা শ্বহিদুল ইছলামৰ উপস্থিতিত বিজেপি প্ৰাৰ্থী তৌফিকুৰ ৰহমানে কৰ্মী সমৰ্থকক লৈ বিশাল বাইক ৰেলী আৰু সমদল উলিয়াইছিল ভোটাৰ ৰাইজৰ দৃষ্টি আকৰ্ষণ কৰে । যুৱ নেতা শ্বহিদুল ইছলামে কয় যে, তৌফিকুৰ ৰহমান বিজয়ী হলে কলগাছিয়াত মহকুমা হব ,জনীয়াৰ উন্নয়ন হব কিন্তু কংগ্ৰেছ বা এ আই ইউ ডি এফৰ বিধায়ক নিৰ্বাচিত হলে ভেঞ্চাৰ বিধায়ক হব । আনহাতে তৌফিকুৰ ৰহমানে বিজয়ী হোৱাটো এশ শতাংশ নিশ্চিত বুলি কোৱাৰ লগতে কংগ্ৰেছ, এ আই ইউ ডি এফ আৰু বিজেপিৰ মাজত তিনিকোনীয়া প্ৰতিদ্বন্দিতা হব বুলি বিজেপি প্ৰাৰ্থী গৰাকীয়ে মন্তব্য কৰে । আজি সন্ধিয়া পাঁচ বজাত সকলো দলৰে নিৰ্বাচনী প্ৰচাৰ সমাপ্ত হয় যদিও কোনে মাৰিব শেষ হাঁহি সেয়া সময়েহে কব পৰা যাব।
কলগাছিয়াত কংগ্ৰেছৰ অন্তিম প্ৰচাৰ সভা
-
By publisher
![Assam News Today | কলগাছিয়াত কংগ্ৰেছৰ অন্তিম প্ৰচাৰ সভা - Dainik Agradoot | 19 10 19 Jania AIUDF election campaign 2](https://i0.wp.com/dainikagradoot.in/wp-content/uploads/2019/10/19-10-19-Jania-AIUDF-election-campaign-2.jpg?fit=1024%2C466&ssl=1)
AIUDF members at Election campaigning in Jania on 19-10-19. pix by UB PHOTOS
- Categories: Uncategorized
- Tags: AIUDFAssamAssam BJPBJPCongressElection Commission of IndiaSarbananda Sonowal
Related Content
Theft Arrested In Bhagadattapur Police::মহানগৰীত সোণ চুৰিৰ বৃহৎ চক্ৰ আৰক্ষীৰ জালত
By
publisher
July 16, 2024
Doctors Resign From State Medical Colleges:মুখ্যমন্ত্ৰীয়ে চিকিৎসা দপ্তৰ লাভ কৰাৰ পিছতে স্বাস্থ্য খণ্ডত অঘটন
By
publisher
July 16, 2024
Dainik Agradoot Print Edition:16 July'24
By
publisher
July 16, 2024
Horoscope:ৰাশিফল
By
publisher
July 16, 2024