অগ্ৰদূত বাৰ্তা,গহপুৰ,১৯ মাৰ্চঃ কৰ’নাৰ আতংকৰ সমান্তৰালকৈ গহপুৰৰ দক্ষিণাঞ্চলত এক অচিন ৰোগৰ সন্ত্ৰাসত দিক বিদিক হেৰুৱাইছে সৰ্ব সাধাৰণ ৰাইজৰ লগতে পশুপালকসকলে ৷ বিগত ১৫ দিন ধৰি মহামাৰীৰ ৰূপ ধাৰণ কৰা অচিন ৰোগবিধত শ শ গাহৰিৰ মৃত্যু ঘটাত আতংকিত হৈ পৰিছে নৈ পৰীয়া ৰাইজ৷গহপুৰ মহকুমাৰ অন্তৰ্গত দক্ষিণাঞ্চলৰ ব্ৰহ্মপুত্ৰ কাষৰীয়া বৰতামুলি গাঁও পঞ্চায়তৰ লৌ গুটি,সুৰতামুলি,বৰতামুলি,লোহিতমুখ আদি অঞ্চলত দৈনিক অস্বাভাৱিক হাৰত মৃত্যু ঘটিছে গাহৰিসমূহৰ ।মৃত গাহৰি সমূহ পুতিবলৈ স্থানৰ অভাৱ ঘটাত খাৰৈ নৈত মৰাশসমূহ উটুৱাই দিয়াৰ ফলত সমগ্ৰ অঞ্চল দুৰ্গন্ধই ছানি ধৰাৰ লগতে প্ৰদূষিত হৈ পৰিছে নৈ খনৰ পানী ৷ বিগত ১৫ দিনত গহপুৰৰ দক্ষিণাঞ্চলত প্ৰায় ৬০০ ৰো অধিক গাহৰিৰ মৃত্যৃ হোৱাত এক অজান আতংকৰ মাজত দিন পাৰ কৰিছে অঞ্চলবাসীয়ে ৷ ৰাইজে এই সন্দৰ্ভত পশু বিভাগক জনাইছে যদিও বিভাগটোৰ বিষয়া কৰ্মচাৰীয়ে এই বিষয়ে কাণ সাৰ নিদিয়াৰ অভিযোগ উত্থাপন হৈছে। অচিন ৰোগ বিধত আক্ৰান্ত গাহৰিৰ মৃত্যুৰ সংখ্যা দিনক দিনে বৃদ্ধি পোৱাত মানৱ শৰীৰলৈ এই ৰোগ বিধ বিয়পাৰ আশংকা ব্যক্ত কৰিছে নৈ পৰীয়া ৰাইজে ৷দীৰ্ঘ দিন ধৰি গাহৰি পালনৰ জৰিয়তে পৰিয়াল পোহপাল দি অহা নৈ পৰীয়া ৰাইজৰ জীৱনলৈ ঘোৰ অন্ধকাৰ নামি আহিছে ৷ গতিকে ৰাইজে অঞ্চলটোত উপযুক্ত স্বাস্থ্য পৰীক্ষা শিৱিৰ স্থাপন কৰিবলৈ বিশ্বনাথ জিলাৰ উপায়ুক্ত আৰু গহপুৰ মহকুমাৰ মহকুমাধিপতিৰ ওচৰত দাবী জনোৱাৰ লগতে এটা পশু চিকিৎসা বিভাগৰ দল নিয়োজিত কৰিবলৈ আহ্বান
গহপুৰৰ দক্ষিণাঞ্চলত অচিন ৰোগত শ শ গাহৰিৰ মৃত্যু:শংকিত ৰাইজ
-
By publisher
![Assam News Today | গহপুৰৰ দক্ষিণাঞ্চলত অচিন ৰোগত শ শ গাহৰিৰ মৃত্যু:শংকিত ৰাইজ - Dainik Agradoot | 3 1](https://i0.wp.com/dainikagradoot.in/wp-content/uploads/2020/03/3-1.jpg?fit=1024%2C576&ssl=1)
- Categories: Uncategorized
Related Content
Doctors Resign From State Medical Colleges:মুখ্যমন্ত্ৰীয়ে চিকিৎসা দপ্তৰ লাভ কৰাৰ পিছতে স্বাস্থ্য খণ্ডত অঘটন
By
publisher
July 16, 2024
Dainik Agradoot Print Edition:16 July'24
By
publisher
July 16, 2024
Horoscope:ৰাশিফল
By
publisher
July 16, 2024
Japanese beauty wearing shorts appeals to voters:স্বল্পবস্ত্ৰ পৰিধান কৰা জাপানী সুন্দৰীৰ ভোটদাতাক আহ্বান
By
publisher
July 15, 2024