তলাবন্ধৰ ফলত অৰুণাচলত আবদ্ধ হৈ থকা শ শ লোকে বান্দৰদেৱা তালাচী চকীৰে লখিমপুৰত প্ৰৱেশ

সমগ্ৰ দেশতে ত্ৰাসৰ সৃষ্টি কৰা কৰ’নাৰ সংক্ৰমণৰ বাবেদেশজুৰি অব্যাহত থকা দ্বিতীয় পৰ্যায়ৰ তলাবন্ধৰ আজি অন্তিমটো দিনত লখিমপুৰ জিলাৰ অসম অৰুণাচল সীমান্তৱৰ্তী বান্দৰদেৱাত অৰুণাচলৰ বিভিন্ন ঠাইত শ্ৰমিক তথা শ শ লোকে বান্দৰদেৱাত প্ৰৱেশ কৰি ভিৰ কৰে । দেশত কৰ’না ভাইৰাছৰ বাবে অব্যাহত থকা তলাবন্ধৰ বাবে তেওঁলোক কৰ্মস্থলীতে আবদ্ধ হৈ পৰে । অৰুণাচল চৰকাৰৰ নিৰ্দেশত প্ৰশাসনে চৰকাৰী সম্পূৰ্ণ নীতি নিৰ্দেশনা অনুযায়ী চৰকাৰী ব্যৱস্থাৰে অৰুণাচলত কৰ্মসূত্ৰে থকা লোকসকলক নিজ নিজ গৃহলৈ যোৱাৰ ব্যৱস্থা কৰে । অন্যহাতে অৰুণাচল চৰকাৰে হঠাৎ এনেদৰে এদিনতে শ শ লোকক যাবলৈ দিয়াত লখিমপুৰ জিলাৰ বান্দৰদেৱা আৰক্ষী বিমোৰত পৰা পৰিলক্ষিত হয় । অৱশ্য জিলা প্ৰশাসনৰ দৃঢ় পদক্ষেপৰ বাবে লোক সকলক চৰকাৰী ব্যৱস্থাৰে নিজ গৃহলৈ পঠিওৱাৰ ব্যৱস্থা কৰে ।