সাংসদ অজিত ভূঞাৰ নেতৃত্বত ঐক্যবদ্ধ ৰাজ্য ছয় আঞ্চলিক শক্তিঃ বৈঠক অনুষ্ঠিত

সমাগত ২০২১ৰ বিধানসভা নিৰ্বাচনৰ বাবে ককালত টঙালি বান্ধিছে ৰাজ্যৰ ছটাকৈ আঞ্চলিক ৰাজনৈতিক দলে |  বিজেপিৰ বিৰুদ্ধে ঐক্যবদ্ধ হৈ থিয় দিয়াৰ লক্ষ্যৰে ছটাকৈ আঞ্চলিক দল একলগ হোৱা বুলি সাংসদ অজিত কুমাৰ ভূঞাই সদৰী কৰিছে | “আঞ্চলিকতাবাদী মঞ্চ” নামৰে আত্মপ্ৰকাশ কৰা এই সংগঠনটোত আছে অসম সংগ্ৰামী মঞ্চ, আঞ্চলিকতাবাদ সুৰক্ষা মঞ্চ, জাতীয়তাবাদ পুনৰ নিৰ্মাণ সমিতি অসম, স্বায়ত্ত শাসিত ৰাজ্য দাবী সমিতি, খিলঞ্জীয়া জনগোষ্ঠী মহাচেতনা জনসংঘ,লিবাৰেল ডেমকেটিভ পাৰ্টি | উল্লেখিত সংগঠনকেইটাৰ শীৰ্ষ বিষয়ববীয়া উপিস্থিত দেওবাৰে অনুষ্ঠিত বৈঠকত সাংসদ অজিত ভূঞা, হাইদৰ হুচেইন, নেকিবোৰ জামান, মীৰা বৰঠাকুৰ আদিয়ে অংশ লয় | ৰাজ্যবাসীয়ে আঞ্চলিক শক্তি এটাৰ অভাৱ অনুভৱ কৰা বুলি ভূঞাই উল্লেখ কৰি এই শক্তিয়ে সেই অভাৱ আগন্তক দিনত দূৰ কৰিবলৈ সক্ষম হব বুলি কয় |