ছ’চিয়েল মিডিয়াত আপত্তিজনক মন্তব্য

এইবাৰ ছ’চিয়েল মিডিয়াত নগাঁও উকীল সন্থাৰ লগতে বহু কেইগৰাকী জ্যেষ্ঠ অধিবক্তাৰ বিৰুদ্ধে আপত্তিজনক মন্তব্য দি ছমাহৰ বাবে নিলম্বিত হ’ল নগাঁৱৰ উকীল সন্থাৰ ইনামূল হুদা নামৰ এগৰাকী অধিবক্তা ।নগাঁও উকীল সন্থাৰ কাৰ্যনিৰ্বাহক সমিতিয়ে এই সিদ্ধান্ত গ্ৰহণ কৰি অধিবক্তা ইনামূল হুদাক ছমাহৰ বাবে সন্থাৰ পৰা নিলম্বন কৰা হয় ।আজি নগাঁও উকীল সন্থাৰ কাৰ্যালয়ত এক সংবাদমেল সম্বোধন কৰি এই সিদ্ধান্তৰ বিষয়ে অৱগত কৰে সন্থাৰ সভাপতি আবুল হাচিম খণ্ডকাৰে ৷উল্লেখযোগ্য যে বহু জ্যেষ্ঠ অধিবক্তাকো এইগৰাকী অধিবক্তাই সামাজিক মাধ্যমত হেয় প্ৰতিপন্ন কৰাৰ কুট কৌশল ৰচনা কৰিছিল ৷যাৰ কাৰণে এই সিদ্ধান্ত গ্ৰহণ কৰে নগাঁ উকীল সন্থাই ।