এইবাৰ আমেৰিকাৰ ৰাষ্ট্ৰপতি ড’নাল্ড ট্ৰাম্পে কয় যে ভাৰত চীন সীমান্তৰ বিবাদ সমাধান কৰিবৰ কাৰণে তেওঁ চেষ্টা কৰি আছে ৷ ট্ৰাম্পে শনিবাৰে “হুৱাইট হাউচ”ত ভাৰত চীন সীমান্তৰ সন্দৰ্ভত কয় যে “ইতিমধ্যে তাত পৰিস্থিতিৰ অৱনতি ঘটিছে ৷ দুয়োখন দেশৰ অৱস্থা গম্ভীৰ হৈ পৰিছে ৷ আমি ভাৰত আৰু চীনৰ লগত কথা পাতি আছো ৷ এই সমস্যাক সমাধান কৰিবৰ কাৰণে আমাৰ ফালৰ পৰা সম্পূৰ্ণ সহায় থাকিব ৷”
উল্লেখযোগ্য যে, ১৫ জুনৰ নিশা গালৱান উপত্যকাত ভাৰত আৰু চীনা সৈনিকৰ মাজত সংঘৰ্ষ সৃষ্টি হয় । এই সংঘৰ্ষত ২০ জন সৈনিক শ্বহীদ হয় । আনহাতে চীনা প্ৰায় ৪৩ জন তকৈ অধিক সৈনিকৰ মৃত্যু হয় । ইয়াৰ পিছৰে পৰা দুয়োখন দেশৰ মাজত তীব্ৰ উত্তেজনা বৃদ্ধি পায় । ইপিনে ট্ৰাম্পে বিগত মাহতে ভাৰত আৰু চীনৰ মাজত মধ্যস্থতাকাৰী হিচাপে কাম কৰাৰ প্ৰস্তাৱ দিছিল । ট্ৰাম্পে কৈছিল যদি ভাৰত আৰু চীনে সন্মতি প্ৰদান কৰে তেন্তে আমেৰিকাই মধ্যস্থতাকাৰী কৰিব পাৰে ৷ অৱশ্যে ভাৰত আৰু চীনে ট্ৰাম্পৰ এই প্ৰস্তাৱ প্ৰত্যাখ্যান কৰে ৷