শনিবাৰে নিশা ওদালগুৰি জিলাৰ দুখন আৰক্ষী থানাৰ অন্তৰ্গত দুটা পৃথক স্থানত উদ্ধাৰ হ’ল অস্ত্ৰ-শস্ত্ৰ। নিশা প্ৰায় ১২:৩০ বজাত ওদালগুৰি থানাৰ অন্তৰ্গত সিন্ধ্ৰিঝৰাত ওদালগুৰিৰ উপ- আৰক্ষী অধীক্ষক মইদুল ইছলাম, ওদালগুৰি থানাৰ ভাৰপ্ৰাপ্ত আৰক্ষী বিষয়া নাৰায়ন পটংগীয়াৰ নেতৃত্বত আৰক্ষীয়ে অভিযান চলাই উদ্ধাৰ কৰে এটা এম ২০ পিষ্টল, এটা ৯ এম এম পিষ্টল, ২ টা মেগজিন, ১০ জাই সজীৱ গুলী।
ইফালে জিলাখনৰ হৰিশিঙা আৰক্ষী থানাৰ অন্তৰ্গত ৪ নং আমজুলি গাওঁত উদ্ধাৰ হয় দুটা একে ৫৬ ৰাইফল, তিনিটা মেগজিন, ৭.৬২ এম এমৰ পিষ্টলৰ ৭১ জাই সজীৱ গুলী। পুৱতি নিশা ৪:০০ বজাত ভেৰগাঁও মহকুমা আৰক্ষী বিষয়া নিৰ্মল ঘোষ, হৰিশিঙা থানাৰ ভাৰপ্ৰাপ্ত আৰক্ষী বিষয়া প্ৰেমাংকুৰ হাজৰিকাৰ নেতৃত্বত চলিছিল এই অভিযান। বিগত দিনবোৰত জিলাখনৰ বিভিন্ন প্ৰান্তত ধাৰাবাহিকভাৱে উদ্ধাৰ হৈ আহিছে অবৈধ অস্ত্ৰ-শস্ত্ৰ।
