দেশৰ প্ৰাক্তন ৰাষ্ট্ৰপতি প্ৰণৱ মুখাৰ্জীৰ শৰীৰত পোৱা গৈছে কৰ’না ভাইৰাছ। এই কথা টুইটাৰ যোগে জনায় প্ৰণৱ মুখাৰ্জীয়ে। সোমবাৰে তেওঁক কৰ’না টেষ্ট কৰোৱা হৈছিল ৷ উল্লেখযোগ্য যে টুইটাৰ যোগে প্ৰণৱ মুখাৰ্জীয়ে কৰ’নাৰ ফলাফলৰ কথা সদৰী কৰাৰ লগতে তেওঁৰ সম্পৰ্কলৈ অহা লোকসকলক কৰ’না পৰীক্ষা কৰিবলৈ কয় ৷
ইফালে দেশত ক্ৰমে বৃদ্ধি পাইছে কৰ’নাত আক্ৰান্ত লোকৰ সংখ্যা ৷সম্প্ৰতি দেশৰ কৰ’নাত ২২ লাখ ১৭ হাজাৰ ৬৪৫ জন লোক আক্ৰান্ত হৈছে। শেহতীয়াকৈ কৰ’নাত আক্ৰান্ত হয় ৬২ হাজাৰ ১১৭ জন ৷ কেন্দ্ৰীয় স্বাস্থ্য মন্ত্ৰণালয়ে সোমবাৰে প্ৰকাশ কৰা অনুসৰি দেওবাৰে কৰ’নাত ৬২হাজাৰ ৬৪ জন লোকৰ শৰীৰত পোৱা যায় কৰ’না।
ইফালে মৃত্যু হয় ১ হাজাৰ ৭ জন লোকৰ ৷এনেদৰেই এতিয়া কৰ’নাত আক্ৰান্ত হৈছে ২২ লাখ ১৫ হাজাৰ ৭৫ জন ।ইয়াৰে ৬ লাখ ৩৪ হাজাৰ ৯৫৪ জন কৰ’নাত আক্ৰান্ত হৈ চিকিৎসাধান হৈ আছে ৷মৃত্যু হৈছে ৪৪ হাজাৰ ৩৮৬ জন লোক ৷