হিন্দীত প’ষ্ট দিবলৈ অনুৰোধ কৰা অনুৰাগীক কি উত্তৰ দিলে বলীউডৰ বিগ বি অমিতাভ বচ্চনে?

amitabh fees

ছ’চিয়েল মিডিয়াত সততে এক্টিভ থকা বলীউডৰ বিগ বি অমিতাভ বচ্চনক শেহতীয়াকৈ এগৰাকী লোকে হিন্দীত প’ষ্ট লিখিবলৈ আহ্বান কৰে ৷ ব্যক্তি গৰাকীয়ে লিখে “অমিতাভ বচ্চন মহাশয়, যদি আপোনাৰ প’ষ্ট হিন্দীত আহে,তেন্তে বহুত ভাল লাগে ৷” ইয়াৰ পিচতে অমিতাভ বচ্চনৰ সমগ্ৰ পৰিয়ালক ধন্যবাদো জনায় ব্যক্তিগৰাকীয়ে ৷

ADVERTISEMENT

ইপিনে ব্যক্তি গৰাকীয়ে অমিতাভ বচ্চনক উদ্দেশ্যি কৰা এই টুইটৰ পিছতে মিষ্টাৰ বচ্চনে প্ৰত্যুত্তৰ দি কয় “আপুনিও ‘প’ষ্ট’ শব্দটো হিন্দীতে লিখক” ৷ আনহাতে ৭৭ বছৰীয়া অভিনেতা অমিতাভ বচ্চনে প্ৰায়ে ইনষ্টাগ্ৰাম, টুইটাৰ তথা ব্ল’গত হিন্দী আৰু ইংৰাজীত নিজৰ মনোভাৱ ব্যক্ত কৰে । অলপতে কৰ’না ভাইৰাছৰ সন্দৰ্ভত এগৰাকী ব্যক্তিৰ লগত হোৱা বিতৰ্কত হিন্দীেতে প্ৰত্যুত্তৰ দিছিল অমিতাভ বচ্চনে । লগতে অমিতাভ বচ্চনে প্ৰায়ে পিতৃ হৰ্ষবৰ্দ্ধন ৰায় বচ্চনৰ কবিতাসমূহ ছ’চিয়েল মিডিয়াত শ্বেয়াৰ কৰে ।

উল্লেখযোগ্য যে বিগত সময়ত ক’ভিড-১৯ ত আক্ৰান্ত হৈ মুম্বাইৰ নানাৱতী চিকিৎসালয়ত চিকিৎসাধীন হৈ আছিল অমিতাভ বচ্চন । ইয়াৰ পিছতে ক’ভিড-১৯ নিগেটিভ অহাৰ পিছত ঘৰলৈ সুস্থ হৈ উভতে মিষ্টাৰ বচ্চন ৷ ইপিনে শেহতীয়াকৈ অমিতাভ বচ্চনক আমাজন প্ৰাইমত মুক্তি প্ৰাপ্ত “গুলাব চিটাব’ত” দেখা গৈছিল । লগতে অনাগত সময়ত অমিতাভ বচ্চনক দেখা যাব ব্ৰহ্মাস্ত্ৰ, জুণ্ড এণ্ড চেহেৰে  ছবিত ৷

Exit mobile version