ধেমাজিত কৰ’না ভাইৰাছৰ ব্যাপক গণসংক্ৰমণ ঘটা পৰিলক্ষিত হৈছে । আজি পুনৰ কোনো ভ্ৰমণ বৃত্তান্ত নথকা ৩৮ জন লোকৰ শৰীৰত ক’ভিড-১৯ পজিটিভ পোৱা গৈছে। তেওঁলোকক ইতিমধ্যেই ধেমাজি অসামৰিক চিকিৎসালয়ত ভৰ্তি কৰা হৈছে । ইয়াৰ ফলত জিলাখনত আক্ৰান্তৰ সংখ্যা ১২৯৮ জনলৈ বৃদ্ধি পায় । ইতিমধ্যে জিলাখনত ৭৪৫ জন লোক কৰ’না ভাইৰাছৰ পৰা সুস্থ হৈ উঠাত তেওঁলোকক ঘৰলৈ যাবলৈ দিয়া হৈছে ।
ইফালে কালি জিলাখনৰ উপায়ুক্ত নৰসিং পাৱাৰ আৰু অতিৰিক্ত উপায়ুক্ত লাগাচুৰ শৰীৰত ক’ভিড-১৯ পজিটিভ পোৱাত তেওঁলোক দুয়োজনে জিলা আৱত্ত ভৱনত আইচ’লেচনত আছে । কৰ’না ভাইৰাছৰ ব্যাপক গণসংক্ৰমণৰ প্ৰতি লক্ষ্য ৰাখি জিলাপ্ৰশাসনে ৰাইজক বিনা কাৰণত ওলাই নুফুৰিবলৈ আহবান জনোৱাৰ লগতে মাস্ক পৰিধান কৰা আৰু সামাজিক দুৰত্ব বজায় ৰাখিবলৈ আহবান জনায় ।