প্ৰায় ২কোটি লোকে চাকৰি হেৰুৱাইছে বিগত পাঁচমাহত ৷ কৰ’না মহামাৰীৰ প্ৰভাৱ বিশ্বৰ লগতে দেশৰ অৰ্থনীতিত ব্যাপক পৰিছে। তাৰ মাজতে Centre For Monitoring Indian Econonomy”য়ে সদৰী কৰে যে ২০১৯-২০ বৰ্ষৰ শেষত দেশত চাকৰিজীৱিৰ সংখ্যা আছিল ৮.৬ কোটি ৷ সেই মুহুৰ্ততে সম্প্ৰতি এই পৰিসংখ্যা হ্ৰাস হৈছেগৈ ৬.৫ কোটি ৷
অৰ্থাৎ তলাবন্ধৰ সময়ত এপ্ৰিল, মে’ মাহত বহু লোকেও নিজৰ কৰ্ম সংস্থাপন হেৰুৱাইছে । ইপিনে CMIE ৰ অনুসৰি আগষ্টত দেশত চাকৰি হেৰুৱাৰ লোকৰ পৰিমাণ ৮.৩৫ শতাংশ । লগতে সংস্থাটোৱে কয় “বিগত বছৰত অৰ্থনীতি ৰেখাচিত্ৰ আৰু মুনাফাৰ হাৰ নিম্নমুখী হোৱাৰ কাৰণ ভাৰতত বেতন বৃদ্ধিৰ গতি হ্ৰাস পাইছে ৷ কৰ’নাৰ কাৰণে বিশ্বৰ অৰ্থনীতিয়ে মন্দাৰ অৱস্থাত উপনীত হৈছে ।
আনহাতে তলাবন্ধ শিথিল হোৱাৰ পৰিপ্ৰেক্ষিতত কিছুমান বেচৰকাৰী কাৰ্যালয়ত পুনৰ কাম আৰম্ভ হৈছে । CMIE তথ্য অনু্যায়ী ২০১৯-২০ বৰ্ষৰ তুলনাত বিগত জুলাইত বেচৰকাৰী ক্ষেত্ৰৰ সংখ্যা ২.৫ শতাংশ বৃদ্ধি হৈছে ৷ সেই সময়তে তলাবন্ধৰ সময়ত চাকৰি সংখ্যা সীমিত হৈছে ২২শতাংশলৈ ৷ বিশেষজ্ঞৰ মতে “তিনি বছৰৰ ব্যৱধানত যদি ভাৰতৰ দৰে বিপুল জনসংখ্যাৰ দেশত চাকৰিৰ সংখ্যা কমি যায় । তেন্তে অৰ্থনীতিত ব্যাপক প্ৰভাৱ পৰিব ৷”