সুখবৰ, ৰাজ্যত ভয়াবহ পৰিস্থিতিৰ মাজতে কৰ’নাক পৰাজিত কৰিবলৈ সক্ষম হৈছে মাদাৰ অল্ড এজ হোমৰ ৫ গৰাকীকৈ আইতাই । আটাইতকৈ বয়সস্থ ১০১ বছৰীয়া আইতাই কোনোধৰণৰ অসুবিধা নোপোৱাকৈ আজি হাঁহিমুখেৰে ৰাওনা হ’ব নিজ আশ্রমলৈ । মহেন্দ্ৰ মোহন চৌধুৰী হস্পিতালত চিকিৎসাধীন অৱস্থাত থকা ১০১ বছৰীয়া আৰু ৭৫ বছৰীয়া আইতা দুগৰাকীৰ মঙলবাৰে কৰ’না পৰীক্ষাত নিগেটিভ আহে ।
ইয়াৰ লগতে দিল্লী পাব্লিক স্কুল ক’ভিড কেয়াৰ চেণ্টাৰত থকা ৫ গৰাকী বৃদ্ধাৰ ভিতৰত ৩ গৰাকীৰ ৰিজাল্ট আহে নিগেটিভ । আনহাতে, মাদাৰ অল্ড এজ হোমত কৰা ৰেপিড টেষ্টত পজিটিভ অহা আন পাঁচগৰাকী বয়সস্থ লোকৰ পজিটিভ ধৰা পৰে । তেওঁলোকক পুনৰ স্বাৱ টেষ্ট কৰা হ’ব বুলি জানিবলৈ দিয়ে আশ্ৰমৰ কৰ্তৃপক্ষই ।
উল্লেখযোগ্য যে সোমবাৰে ডঃ ফাৰুকৰ লগতে সুশান্ত ৰয়ৰ এটা দলে বৃদ্ধা আশ্ৰমখনত উপস্থিত হৈ লেলাউটিৰ পৰীক্ষা কৰে । ইয়াৰ পিছতে কৰ’নাত আক্ৰান্ত হয় বৃদ্ধা আশ্ৰমখনৰ ১২ গৰাকীকৈ আইতা ৷ আক্ৰান্ত আইতাকেইগৰাকী যাতে সোনকালে সুস্থ হৈ উঠে তাৰেই কামনা কৰিছে সকলোৱে ।