১৯ ছেপ্টেম্বৰত কামাখ্যা মন্দিৰ কৰ্তৃপক্ষৰ স’তে কামৰূপ মহানগৰ উপায়ুক্ত আৰু আৰক্ষী বিষয়াই কামাখ্যা মন্দিৰৰ দুৱাৰ পুনৰ মুকলি কৰাৰ বাবে এক বৈঠক অনুষ্ঠিত হৈছিল ।
বৈঠকত এই সন্দৰ্ভত এক গাইডলাইন জাৰি কৰা হয় । গাইডলাইন অনুসৰি সকলো প্ৰস্তুতি সম্পূৰ্ণ হ’লে ২৪ ছেপ্টেম্বৰৰ পৰা পুনৰ দৰ্শনাৰ্থীৰ বাবে মুকলি কৰি দিয়া হ’ব কামাখ্যাৰ দুৱাৰ ।
গাইডলাইন অনুসৰি কামাখ্যাৰ দৰ্শনাৰ্থীয়ে মানিবলগীয়া নীতি-নিয়ম সমূহ হ’ল-
■ প্ৰত্যেকদিনা কমেও ৫০০ দৰ্শনাৰ্থীয়ে মন্দিৰৰ চৌহদত প্ৰৱেশৰ অনুমতি দিয়া হৈছে।
■ কামাখ্যা মন্দিৰৰ পৰিচালনা সমিতিয়ে কামাখ্যা প্ৰৱেশৰ বাবে অনলাইন প্ৰৱেশ পত্ৰৰ ব্যৱস্থা কৰিছে। ৬৫ বছৰৰ ঊৰ্দ্ধৰ লোক আৰু ১০ বছৰৰ তলৰ শিশু প্ৰৱেশৰ অনুমতি দিয়া নাই ।
■ মন্দিৰ দৰ্শনৰ বাবে যোৱা দৰ্শনাৰ্থীৰ সুবিধাৰ্থে অনলাইন প্ৰৱেশ পত্ৰ আৰু আবেদনৰ ব্যৱস্থা মন্দিৰৰ কৰ্তৃপক্ষই নিজে গ্ৰহণ কৰিব লাগিব ।
■ এঘণ্টাত ১০০ তকৈ অধিক প্ৰৱেশ পত্ৰ দিব নোৱাৰিব আৰু ভক্তসকলে ১৫ মিনিটতকৈ অধিক সময় মন্দিৰৰ ভিতৰত থাকিব নোৱাৰিব ।
■ আৰক্ষী কৰ্তৃপক্ষই প্ৰৱেশ দ্বাৰত দৰ্শনাৰ্থীসকলৰ প্ৰৱেশ পত্ৰ নিৰীক্ষণ কৰিব আৰু তাৰ পিছতহে মন্দিৰত প্ৰৱেশ কৰিব পাৰিব দৰ্শনাৰ্থীসকল।
■ মন্দিৰৰ চৌহদ নিয়মিতভাৱে চেনিটাইজ কৰাৰ ব্যৱস্থা কৰিব লাগিব।
■ মন্দিৰত প্ৰৱেশ কৰাৰ সময়ত ভক্তসকলে হাত ভালদৰে চেনিটাইজ কৰিব লাগিব আৰু থাৰ্মেল স্কেনাৰৰ দ্বাৰা পৰীক্ষা কৰা হ’ব ।