সুশান্ত সিং ৰাজপুতৰ আত্মহত্যা পিছত ৰিয়া চক্ৰৱৰ্তীক গ্ৰেপ্তাৰ কৰাৰ পাছত মাদকদ্ৰব্য সেৱন আৰু সৰবৰাহ সন্দৰ্ভত বহু চেলিব্ৰিটিৰ নাম পোহৰলৈ আহিছে । আজি বলীউডৰ অভিনেত্ৰী দীপিকা পাডুকন পুৱা NCBৰ কাৰ্যালয়ত উপস্থিত হয় ৷ মাদকদ্ৰব্য সৰবৰাহ সন্দৰ্ভত NCB য়ে দীপিকাক প্ৰায় ৩ঘন্টা সোধপোছ কৰে ৷ দীপিকা পাছত NCB ৰ কাৰ্যালয়ত উপস্থিত হয় বলীউডৰ অভিনেত্ৰী শ্ৰদ্ধা কাপুৰ ৷ শ্ৰদ্ধাকো NCBয়ে মাদকদ্ৰব্যৰ সন্দৰ্ভত বহু প্ৰশ্ন কৰে ৷ আনহাতে ছাৰা আলী খানো ইতিমধ্যে NCB ৰ কাৰ্যালয়ত উপস্থিত হৈছে। ইফালে আজি দিনটোত বলীউডৰ তিনিগৰাকীকৈ অভিনেত্ৰীক মাদকদ্ৰব্যৰ সেৱন আৰু সৰবৰাহৰ সন্দৰ্ভত সোধ-পোছ কৰা হৈছে ।
আনহাতে শুক্ৰবাৰে NCB য়ে দীপিকাৰ টেলেন্ট মেনেজাৰ কৰিশ্মা প্ৰকাশক সোধপোছ কৰে ৷ ইয়াৰোপৰি অভিনেত্ৰী ৰাকুল প্ৰীত সিঙকো সোধপোছ কৰে NCBয়ে ৷ কৰিশ্মা প্ৰকাশ আজি পুনৰ NCB ৰ কাৰ্যালয়ত সোধ পোছৰ কাৰণে উপস্থিত হয় । এক বিশেষ সূত্ৰৰ মতে দীপিকা আৰু তেওঁৰ মেনেজাৰক একেলগে বহুৱাইও সোধপোছ কৰিব পাৰে NCBয়ে ৷ বিগত দিনত দীপিকা পাডুকনৰ মাদকদ্ৰব্যৰ লগত জড়িত whatsapp ৰ মেছেজ ৰাজহুৱা হৈছিল । ২০১৭ ৰ ২৮ অক্টোবৰত দীপিকাই তেওঁৰ মেনেজাৰ কৰিশ্মা প্ৰকাশৰ পৰা মাদকদ্ৰব্য বিচাৰিছিল ৷
ইপিনে সুশান্ত সিং ৰাজপুতৰ টেলেণ্ট মেনেজাৰ জয়া সাহাৰ whatsapp মেছেজৰ পৰা দিপীকা আৰু শ্ৰদ্ধা কাপুৰৰ নাম পোহৰলৈ আহিছিল । ৰিয়া চক্ৰৱৰ্তীক NCBয়ে গ্ৰেপ্তাৰ কৰিছিল মাদকদ্ৰব্য সৰবৰাহ আৰু সেৱনৰ সন্দৰ্ভত । এই সন্দৰ্ভত শুক্ৰবাৰে বহু নিশালৈ ক্ষিতিজ প্ৰসাদক সোধপোছ কৰে NCBয়ে ৷ NCBৰ এক সূত্ৰ মতে ক্ষিতিজ ধৰ্মা প্ৰডাকচনৰ লগল জৰিত আছে। আৰু ধৰ্মা প্ৰডাকচনৰ মালিক কৰণ জোহৰৰ মতে তেওঁ ক্ষিতিজক ব্যক্তিভাৱে নাজানে ৷