ৰূপহীহাটত ৪২ টা চোৰাং গৰু সহ দুখন ট্ৰাক জব্দ

যোৱা নিশা ৰূপহীহাট থানাৰ আৰক্ষীয়ে এক অভিযান চলাই পূৱ ছাইদৰীয়াত জব্দ কৰে ৪২ টা গৰু সহ দুখন ট্ৰাক । পূৱ ছাইদৰীয়াৰ ছাইফুল ইছলামৰ ঘৰৰ পৰা গৰুসহ গাড়ীদুখন জব্দ কৰে ।

ইপিনে, গৰুৰ চোৰাং ব্যৱসায়ৰ স’তে জড়িত মূল অভিযুক্ত ছাইফুল ইছলামে আৰক্ষীৰ চকুত ধূলি দি নিশাই পলায়ন কৰিবলৈ সক্ষম হয় । উল্লেখ্য যে, দীৰ্ঘদিন ধৰি ৰূপহীহাটৰ পূৱ ছাইদৰীয়া, জিউমাৰী, ঘেহুৱা চলচলি আদি ঠাইৰ পৰা মেঘালয়ৰ উপৰিও চুবুৰীয়া ৰাষ্ট্ৰ বাংলাদেশলৈ অবৈধ গৰু সৰবৰাহৰ ৰমৰমীয়া বেহা চলি আহিছিল ।