প্ৰধান মন্ত্ৰীৰ আত্মনিৰ্ভৰশীল ভাৰতৰ কৃষি কৰ্মৰে আত্মনিৰ্ভৰ এজন সফল আদৰ্শ কৃষক। ছ’চিয়েল মিডিয়া,ইউ টিউবৰ (Youtube) সু ব্যৱহাৰ কৃষকজনৰ । ইউ টিউবে সলনি কৰিলে চিৰাঙৰ এই গৰাকী খেতিয়কৰ জীৱন৷ ড্ৰেগন ফ্ৰুইট খেতিৰে কৃষি বিপ্লৱ আনিছে ইয়াচিন আলী নামৰ এই গৰাকী আদৰ্শ কৃষকে৷ ড্ৰেগন খেতিৰ উপৰিও উন্নত জাতৰ বগৰী,লেচু,কল আৰু পাঁচ বিঘাৰ এটা পুখুৰিত মাছৰ খেতিৰ লগতে পান,তামোল, উন্নত মানৰ ধানৰ খেতি কৰি পৰিচয় দিছে অনন্য ৰূপত৷ দুই শিক্ষিত পুত্ৰক সহযোগী হিচাপে লৈ জিলাখনৰ এক নং দাউখানগৰৰ ইয়াচিন আলীৰ খেতিৰ ন ন চিন্তা ৷
বায়ফ্লগ পদ্ধতিৰে ( টেংকৰ ভিতৰত) মাছৰ খেতি কৰাৰ পৰিকল্পনা এই গৰাকী কৃষকৰ৷ চিৰাং জিলাৰ এক নং দাউখানগৰৰ আৰ্দশ খেতিয়ক ইয়াচিন আলীয়ে দেখুৱাইছে কৃষিকৰ্মত আদৰ্শ ৷ সৰুৰে পৰা বিভিন্ন কৃষি কৰ্মৰ স’তে জড়িত আছিল তেওঁ৷ এই গৰাকী কৃষকে পুৰণি কলিয়া কৃষি পদ্ধতিৰ সলনি কৰি নতুন চিন্তাৰে বৈজ্ঞানিক পদ্ধতিত নতুন খেতিৰ বাবে ব্যৱহাৰ কৰে ছচিয়েল মিডিয়া,ইউ টিউব৷ চাৰি বছৰ আগতে ইউ টিউবত লাভ কৰে ড্ৰেগন ফ্ৰুইটৰ খেতিৰ বিষয়ে৷ আৰু ইউ টিউবৰ যোগে শিক্ষা লৈ,গুজৰাটৰ পৰা ড্ৰেগনৰ পুলি আনি প্ৰায় দুই বিঘা মাটিত ড্ৰেগন ফ্ৰুইটৰ খেতি কৰি এক অন্য মাত্ৰাৰ পৰিচয় দিছে এই গৰাকী চিৰাং জিলাৰ কৃষক ইয়াচিন আলীয়ে৷ প্ৰতি কিলোগ্ৰাম ড্ৰেগনৰ ৪০০/ টকা দৰত ঘৰৰ পৰাই সংগ্ৰহ কৰি ব্যৱসাযী সকলে ৷
আনহাতে কেজিত ৬০০ টকাকৈ বিক্ৰী কৰিছে চিৰাং আৰু বঙাইগাঁও জিলাৰ বিভিন্ন বজাৰত৷এজোপা ড্ৰেগন গছে প্ৰায় ১৪/১৫ মাহৰ পিছত ফল লগাৰ লগতে এজোপাই বছেৰেকত ২০/ ৩০ কেজি ফল দিযে বুলি জানিব দিয়ে খেতিয়ক গৰাকীয়ে৷ এই গৰাকী কৃষকে ফলৰ লগতে ড্ৰেগনৰ পুলিও বিক্ৰী কৰি যথেষ্ট টকা অৰ্জন কৰা বুলি জনায়৷ ড্ৰেগন খেতিৰ লগতে চিৰাঙৰ এই গৰাকী খেতিয়কে উন্নত জাতৰ বগৰী,লিচু,কল খেতি, পুখুৰি ত মাছৰ খেতি কৰি অহাৰ উপৰিও পান,তামোল,উন্নত মানৰ ধান খেতি কৰি আহিছে ৷
যুৱ প্ৰজন্মক কৃষি কৰ্ম তথা খেতিৰ প্ৰতি আগ্ৰহী হ’বলৈ আহবান কৰাৰ লগতে কৃষি বিপ্লৱৰ দ্বাৰাহে অৰ্থনৈতিক বিপ্লৱ সম্ভব বুলি কয় এই জন আদৰ্শ কৃষকে ৷ আগ্ৰহী শিক্ষিত নিবনুৱাই ইচ্ছা কৰিলে বিনামূলীয়াকৈ প্ৰশিক্ষণ দিবলৈ ইচ্ছা প্ৰকাশ কৰে কৃষক জনে । তেওঁৰ যুৱ প্ৰজন্মক আহ্বান জনায় চাকৰি বিচাৰক কিন্তু তাৰ লগতে কৃষিতো সময় দিয়ক । চৰকাৰৰ পৰা কোনো ধৰণৰ ঋণ নোলোৱাকৈ তথা কৃষি বিভাগৰ সহায় নোলোৱাকৈ এইজন কৃষক সফল ৰূপে নিজকে প্ৰতিষ্ঠা লাভ কৰিবলৈ সক্ষম হৈছে এইজন কৃষকে ৷
