চিৰাং জিলাৰ বিজনীৰ ভেটাগাঁওস্থিত ঐতিহাসিক বুঢ়িঠাকুৰণী থানত মৃন্বয় মূৰ্তিহীন ভাৱে আৰম্ভ কৰা হ’ল ৩৩৫ সংখ্যক দুৰ্গা পূজা । ক’ভিডৰ বাবে সম্পূৰ্ণভাৱে চৰকাৰী নীতি-নিয়ম পালন কৰি আজি মহাঅষ্টমী পূজা অনুষ্ঠিত হয় বুঢ়িঠাকুৰাণী থানত।
১৬৮৬ত কোঁচ ৰজা বিজিত নাৰায়নে স্থাপন কৰা এই মন্দিৰত তেতিয়াৰে পৰা চলি আহিছে বলি বিধান । কিন্তু ক’ভিডৰ বাবে এই বাৰৰ পূজাত বলি বিধান নহ’ব বুলিও জনায় থান পৰিচালনা সমিতিৰ সভাপতি দিপক বৰ্মনে । এইবাৰ ক’ভিড অতিমাৰীৰ পৰিপ্ৰেক্ষিতত বিগত বৰ্ষৰ তুলনাত ভক্তৰ সমাগম কম হোৱা পৰিলক্ষিত হয় যদিও সেমেকা বতৰৰ মাজতে ভক্তপ্ৰাণ ৰাইজৰ সহাঁৰি দেখিবলৈ পোৱা যায় ।
উল্লেখ্য যে, প্ৰত্যেক বছৰে বলি বিধানৰ লগতে সপ্তমী, অষ্টমী আৰু নৱমী তিনি দিনীয়াকৈ অনুষ্ঠিত হয় এই ঐতিহাসিক দুৰ্গা পূজা । মন্দিৰটোত মৃন্ময় মূৰ্তি নথকাৰ বাবে দশমী পূজা অনুষ্ঠিত কৰা নহয়। কোঁচৰজাৰ দিনৰে পৰা ১৬৮৬তে স্থাপিত বুঢ়ীঠাকুৰণী থানখনত এনেদৰেই চলি আহিছে দুৰ্গা পূজা ।