চিৰাঙত ইউ পিপিএলৰ দলে জিলাখনৰ ১৫ নং কাজলগাঁও পৰিষদীয় সমষ্টিত পৰিৱৰ্তন যাত্ৰা সমদল বাহিৰ কৰে । সমষ্টিটোৰ অন্তৰ্গত ছাতিপুৰ প্ৰাইমাৰী ইউপিপিএল দলৰ কাৰ্যালয়ৰ পৰা প্ৰায় ৫০০ শতাধিক লোক লৈ আৰম্ভ হয় এই পদযাত্ৰা ৷ ইউপিপিএল দলৰ উপ সভাপতি তথা ১৫ নং কাজলগাঁও পৰিষদীয় সমষ্টিৰ ইউপিপিএল দলৰ প্ৰাৰ্থী ৰণগৌৰা নাৰ্জাৰীয়ে উদ্বোধনী ভাষণত কয় যে ৰাইজৰ পদধূলি গছকি গাঁৱৰ ঘৰে ঘৰে ইউপিপিএল দলে নিৰ্ব্বাচনী প্ৰচাৰ চলাব৷ দুৰ্নীতি-ভ্ৰষ্টাচাৰী বিপিএফ আৰু বড়ো-অবড়োৰ বিভাজন আনি ৰাজনীতি কৰিব বিচৰা জিএছপি দলৰ বিৰুদ্ধে জণগণক একত্ৰিত কৰি বিটিআৰত এক সুস্থ-সবল নিকা আৰু গণতান্ত্ৰিক চৰকাৰ প্ৰতিষ্ঠাৰ মানসেৰে ৰাইজৰ পদুলিলৈ ওলাই আহিছে দলটোৱে ৷
হাগ্ৰামা মহিলাৰীয়ে কোৱা ধৰণে যে বিটিচিৰ পৰা এটাও গাঁও কৰ্তন কৰিব দিয়া নহ’ব ৷এই সন্দৰ্ভত প্ৰতিক্ৰিয়া প্ৰকাশ প্ৰকাশ কৰি তেওঁ কয় যে গাঁও কৰ্তন হাগ্ৰামাৰ কথাত নহয় । এই গাঁও কৰ্তন বা অন্তৰ্ভুক্তিৰ বাবে চৰকাৰে আয়োগ নিৰ্মাণ কৰিছে৷ বিটিচিত বিগত দিনত বিপিএফে অগাধ দুৰ্নীতি কৰিলে । চৰকাৰী আঁচনি আনি বিপিএফৰ নেতৃত্বই খালে আৰু ঠিকাদাৰৰ টকাৰে বিভিন্ন উন্নয়নৰ কাম কৰি ধন আদায় দিয়া নাই বুলি কয় ৰণগৌৰা নাৰ্জাৰীয়ে ।
বিটিআৰ চুক্তিৰ দফা সংশোধন নকৰিলে বড়ো -অবড়োৰ সংঘাতৰ বিষয়ে হাগ্ৰামা মহিলাৰীয়ে কোৱা কথাৰ প্ৰতিক্ৰিয়া প্ৰকাশ কৰি ৰমগৌৰা নাৰ্জাৰীয়ে কয় যে বিটিআৰ চুক্তি লৈ হাগ্ৰামাই ৰাজনীতি কৰি আছে । এই চুক্তিত কোনো এটা জনগোষ্ঠীৰ বাবে ক্ষতিকাৰক কোনো দিশ নাই। বড়ো -অবড়ো বিটিচি চুক্তিৰ পৰাহে সৃষ্টি হৈছে ।
কোনো জনগোষ্ঠীৰ য’ত কোনো আপত্তি নাই তাত হাগ্ৰামাই হে ৰাজনীতি কৰি আছে ইয়াৰ বাদে একো নহয়। তেওঁ লগতে কয় যে বিপিএফ দলৰ এই বাৰ পূৰ্বৰ ৰেকৰ্ডৰ পৰা বুজা যায় যে প্ৰথমবাৰ ৩৯ খন, দ্বিতীয়বাৰ ২৯ খন আৰু তাৰ পিচত ১৯ খন আসন পাইছিল সেই অনুসৰি এইবাৰ ৯ খনহে আসন পাব বিপিএফ দলে ।
তেওঁ অঞ্জলী দৈমাৰীক সমালোচনা কৰি কয় যে এনডিএফবিৰ এজন নেতাক আনি চৰকাৰে শান্তি চুক্তি কৰিলে আৰু এতিয়া তেওঁক মোকলাই অনাৰ কাম চলি আছে । এই সময়ত তেওঁৰ ভগ্নীয়ে যদি এইদৰে এই বিষয়েও সমালোচনা কৰে ৰাজনীতি কৰে তাতকৈ দুৰ্ভাগ্যজনক একো নাই বুলিও কয় ইউপিপিএল দলৰ উপ সভাপতিজনে ৷ উল্লেখযোগ্য যে বি পিএফ দলৰ বিগত সময়ৰ দুৰ্নীতি ভ্ৰষ্টাচাৰ, অপশাসন, দাদাগিৰি আদিৰ পৰা মুক্তিৰ বাবে শিল দৌল ভাঙি আজি পৰিৱৰ্তনৰ বাবে মানুহ ইউপিপিএল দলত যোগদান কৰিছে ।
বিটিচিত এইবাৰ ইউপিপিএল দলেই পৰিষদ গঠন কৰিব সেয়া ভোটাৰসকলে নিশ্চিত কৰিছে বুলিও কয় ৰণগৌৰা নাৰ্জাৰীয়ে । এই পদযাত্ৰাত ইউপিপিএল দলৰ সাংগঠনিক সম্পাদক চাইবুল হ’ক ,আবুল কালাম আজাদ, ৰজৱ আলি, ফিৰোজা খাতুন সহ আইটি চেলৰ ডা: ফাৰিয়া উপস্থিত থাকে৷