চিৰাং জিলাৰ বিজনীৰ ২নং বিষ্ণুপুৰ বজাৰত সংঘটিত হয় এক ভয়াবহ অগ্নিকাণ্ড । সন্ধিয়া ৭.৩০ বজাত হঠাত সূত্ৰপাত হয় এই অগ্নিকাণ্ডটো । এই পর্যন্ত অগ্নিকাণ্ড সংঘটিত হোৱাৰ কাৰণ জানিব পৰা হোৱা নাই ।
অগ্নিকাণ্ডত বজাৰখন সম্পূৰ্ণ জুইত জাহ যোৱাৰ লগতে বজাৰৰ পৰা ২নং বিষ্ণুপুৰ গাঁওলৈ জুইৰ লেলিহান শিখা বিয়পি পৰাত গাঁওখনৰ বহুকেইটা ঘৰ জুইত জাহ যোৱাৰ লগতে প্ৰায় ৫০ লক্ষাধিক টকা মূল্যৰ ক্ষয়-ক্ষতি হোৱা বুলি অনুমান কৰা হৈছে ।
আনহাতে বিজনীৰ পৰা উত্তৰ দিশে প্ৰায় ১২ কিলোমিটাৰ উত্তৰে অৱস্থিত ২নং বিষ্ণুপুৰ বজাৰত অগ্নি নিৰ্বাপক বাহিনীৰ গাড়ী গৈ পোৱাত পলম হোৱাৰ বাবে অধিক ভয়াৱহ হৈ পৰে অগ্নিকাণ্ড । এতিয়াও অব্যাহত থকা জুইৰ ভয়াবহ ৰূপ কোনো পধ্যেই নিয়ন্ত্ৰণত আনিব পৰা নাই অগ্নিনিৰ্বাপক বাহিনীয়ে । অগ্নিনিৰ্ব্বাপক বাহিনী, আৰক্ষী, অৰ্ধসামৰিক বাহিনীৰ লগতে গাঁওবাসীয়ে জুই নিয়ন্ত্ৰণৰ বাবে চেষ্টা অব্যাহত ৰাখিছে ।