দেশৰ অন্যতম চৰ্চিত সাংবাদিক তথা ৰিপাব্লিক টিভিৰ মুখ্য সম্পাদক অৰ্ণৱ গোস্বামীক মহাৰাষ্ট্ৰৰ এক আদালতে বুধবাৰে ১৪ দিনৰ বাবে ন্যায়িক জিম্মাত প্ৰেৰণ কৰে । এজন ইন্টাৰিঅ’ ডিজাইনাৰ অন্ভৱ নাইকক আত্মহত্যাৰ বাবে প্ৰৰোচিত কৰাৰ এক পুৰণি গোচৰত সাংবাদিকগৰাকীক মুম্বাই আৰক্ষীয়ে বুধবাৰে পুৱা বাসগৃহৰ পৰাই গ্ৰেপ্তাৰ কৰে ।
আনহাতে, ১৩ মিনিটৰ এটা ভিডিঅ’ ক্লিপত আৰক্ষীয়ে সাংবাদিকজনক নিজৰ জিম্মাত লোৱাৰ বাবে বলপ্ৰয়োগ কৰা দেখা গৈছিল । তেতিয়াই আৰক্ষীয়ে পত্নী আৰু পুত্ৰক দুৰ্ব্যৱহাৰ কৰাৰ অভিযোগ কৰে সাংবাদিকজনে। ইয়াৰ পিছতে গোস্বামীক গ্ৰেপ্তাৰ কৰাৰ বাবে মহাৰাষ্ট্ৰ আৰক্ষীক ধন্যবাদ জনাই আত্মহত্যা কৰা ইন্টাৰিয়ৰ ডিজাইনাৰ নাইকৰ পত্নী আৰু কন্যাই ।