সাত মাৰ্চত অনুষ্ঠিত হৈ যোৱা ‘জাৰ্ণেলিষ্ট এচ’চিয়েচন ফৰ আসাম’ চমুকৈ জাফাৰ কেন্দ্ৰীয় সমিতিৰ সাধাৰণ সভাত পূৰ্বৰ সমিতিখন ভংগ কৰি ২০২১-২৩ৰ বাবে নতুন সমিতিখন গঠন কৰা হয় ৷ ৰাজ্যৰ বিভিন্ন প্ৰান্তৰ শতাধিক সাংবাদিকৰ উপস্থিতিত অনুষ্ঠিত হোৱা সাধাৰণ সভাত সভাপতিত্ব কৰে জাফাৰ কেন্দ্ৰীয় সমিতিৰ সভাপতি লং সিং টেৰণে ৷ সভাৰ উদ্দেশ্য ব্যাখ্যা আৰু প্ৰতিবেদন পাঠ কৰে সম্পাদক প্ৰধান কুঞ্জ মোহন ৰায়ে ৷
বিভিন্ন জিলাৰ পৰা অহা প্ৰতিনিধি সদস্যসকলে বক্তব্য ৰখাৰ পাছতে সভাপতি লং সিং টেৰণে পূৰ্বৰ সমিতিখন ভংগ ঘোষণা কৰে৷ ইয়াৰ পাছতে জ্যেষ্ঠ সাংবাদিক বাবু ৰাভা হাকাচামৰ সভাপতিত্বত অনুষ্ঠিত হয় বিষয় বাচনি সভা ৷ উপস্থিত প্ৰতিনিধি সদস্যসকলে সৰ্বসন্মতভাৱে লং সিং টেৰণক মুখ্য উপদেষ্টা, বিশিষ্ট সাংবাদিক অমল গুপ্ত, নৰেণ হাজৰিকাক উপদেষ্টা, বঙাইগাঁৱৰ জ্যেষ্ঠ সাংবাদিক অভিদ্বীপ চৌধুৰীক সভাপতি [নিউজ লাইভ], ক্ষেত্ৰীৰ জ্যেষ্ঠ সাংবাদিক পংকজ কুমাৰ ডেকাক কাৰ্যকৰী সভাপতি [দৈনিক অসম], গুৱাহাটীৰ জ্যেষ্ঠ সাংবাদিক কুঞ্জ মোহন ৰায়ক সম্পাদক প্ৰধান [থেকাৰ] হিচাপে লৈ কেন্দ্ৰীয় কাৰ্যনিৰ্বাহক সমিতিখন গঠন কৰে ৷
সমিতিৰ অন্যান্য বিষয়ববীয়াসকল হ’ল ক্ৰমে – উপসভাপতি সুবিৰ দত্ত [দৈনিক যুগশঙ্খ, শিলচৰ], আফতাব আলী [ইউ বি ফটোজ, বঙাইগাঁও], অৰুণ শৰ্মা [দ্যা চেণ্টিনেল, ওডালগুৰি], দিগন্ত টেৰণ [কাৰ্বি আংলং লাইভ, ডিফু], জয়ন্ত কাকতি [অসমীয়া প্ৰতিদিন, দৰং], বাবু ৰাভা হাকাচাম [গোৰেশ্বৰ, আমাৰ চিঞৰ]৷ মুখ্য সাংগঠনিক সম্পাদক – কুশল শইকীয়া [প্ৰাগ্ নিউজ, লখিমপুৰ], সাংগঠনিক সম্পাদক – আৰ্চাদ ৰহমান বৰা [সাংবাদিক বাৰ্তা, গুৱাহাটী], কৃষ্ণ বৰ্মন [নিয়মীয়া বাৰ্তা, কোকৰাঝাৰ], আৰুণ লকথে [কেট চেনেল, ডিফু], গৌতম কুমাৰ কাকতি [মুক্ত সাংবাদিক, মৰিগাঁও], প্ৰচাৰ সম্পাদক – চন্দন মালাকাৰ [সংবাদ লহৰ, সোণাপুৰ], হালিমা বেগম [ফৰ টিভি নিউজ, গুৱাহাটী] । কোষাধ্যক্ষ – এছ এন মহাৰাজ [পূৰ্বাঞ্চল প্ৰহৰী, গুৱাহাটী], কাৰ্যালয় সম্পাদক – দীপজ্যোতি ডেকা [ফাষ্টৰ্ নিউজ ৰিপ’ৰ্ট, গুৱাহাটী], কাৰ্যনিৰ্বাহক সদস্য বৃন্দ – কমল কৃষ্ণ ডেকা [নিউজ নেষ্ট, সোণাপুৰ], সাম্য ভৰদ্বাজ [আমাৰ অসম, গুৱাহাটী], ৰঞ্জিত ৰাজবংশী [প্ৰাগ নিউজ, গোৰেশ্বৰ], গোপাল চন্দ্ৰ ৰায় [মুক্ত সাংবাদিক, কোকৰাঝাৰ] ৷
বিষয় বাচনি সভাৰ পূৰ্বে লং সিং টেৰণক কামৰূপ মহানগৰ জিলা জাফা আৰু কেন্দ্ৰীয় সমিতিৰ তৰফৰ পৰা এখন মানপত্ৰ, শৰাই, চেলেং, গামোচা, ফুলৰ থোপাৰে বিদায় সম্ভাষণ জনোৱা হয়৷ ইয়াকে লৈ বিষয় বাচনি সভাত এক আবেগ বিহ্বল পৰিস্থিতিৰো সৃষ্টি হয়৷