এসময়ত মোম্বাই আহিবলৈ ৰে’লৰ ভাড়া নাছিল জনপ্ৰিয় অভিনেতা ছনু ছুডৰ । আজি বিমানত লগোৱা হ’ল তেওঁৰ ছবি । পৰ্দাৰ খলনায়ক বাস্তৱত দেশৰ নায়ক । ইয়াৰ পূৰ্বে মানৱ সেৱাৰ বাবে ‘স্পিচিয়েল হিউমেনিটেৰিয়ান এক্সন অৱৰ্ড’ লাভ কৰিছিল দক্ষিণৰ অভিনেতাজনে । সম্প্ৰতি এখন বিমান সংস্থাই বিমানত তেওঁৰ ছবি লগাই সন্মান প্ৰদৰ্শন কৰে । ছবিখনত লিখা থাকে, ‘ৰক্ষক ছনু ছুডক অভিবাদন ।’
দেশবাসীয়ে অভিনেতাজনক নাম দিছে ‘মছিহা’ । তলাবন্ধৰ সময়ত দেশৰ বিভিন্ন প্ৰান্তত থকা শ্ৰমিকসকলক নিজ গৃহত উভতি যোৱাৰ ব্যৱস্থা কৰি দিছিল । স্বাস্থ্যকৰ্মীসকলক নিজৰ হোটেলত স্থান দিছিল । বিদেশত থকা ভাৰতীয় প্ৰবাসীসকলক দেশলৈ উভতি আহিবৰ বাবে বিমানৰ ব্যৱস্থা কৰি দিছিল ।
লগতে বহু লোকৰ খাদ্যৰ, শিক্ষাৰ, চিকিৎসাৰ খৰচৰ দায়িত্বও বহন কৰিছিল । সেয়ে এইবাৰ দেশবাসীৰ লগতে বিমান সংস্থাইও অভিনেতাগৰাকীক সন্মান প্ৰদৰ্শন কৰে ।
Remember coming from Moga to Mumbai on an unreserved ticket.
Thank you everyone for all the love. Miss my parents more. @flyspicejet pic.twitter.com/MYipwwYReG— sonu sood (@SonuSood) March 20, 2021
এই বিষয়ত অভিনেতা ছনুৱে টুইটাৰত প’ষ্ট কৰে, ‘মৰম দিয়াৰ বাবে ধন্যবাদ সকলোকে । মাক-দেউতা তোমালোকক মনত পৰিছে ।’