★বমিৰ লগত তেজ ওলালে বা তেজবমি হ’লে দুবৰি বনৰ ৰসত চেনি বা মিচিৰি মিহলাই দিনত ৩ বাৰকৈ খাব লাগে।
★কাণেৰে তেজ ওলালে দুবৰি বনৰ ৰস নাকেৰে উজাব লাগে আৰু খাব লাগে।
★ কটা ছিঙাত বন পটাত পিহি মলমৰ দৰে সানিব লাগে।
★দাঁতেৰে তেজ ওলালে দুবৰি বন পিহি তেজ ওলোৱা দাঁতত চাধাৰ দৰে কিছু সময় ৰাখিব লাগে।
★ঘাঁ হ’লে দুবৰি বনৰ ৰসত হালধিৰ ৰস মিহলাই ঘাঁত সানিব লাগে।
★চুলি সৰিলে আৰু অকালতে পকিলে দুবৰি বনৰ ৰস মূৰত সানিব লাগে। চুলি সৰা পকা ভাল হয় আৰু চুলি ক’লা হয়।
★চকু ৰঙা পৰা ৰোগত দুবৰি বন পানীত তিয়াই ৰাখি সেই পানীৰে চকু ধুব লাগে।
★ গাঁঠি বিষত হালধি বটি দুবৰি বনৰ ৰস মিহলাই মলমৰ দৰে সানিব লাগে।
★এলাৰ্জী হ’লে কেঁচা হালধি ৰস আৰু এই বনৰ ৰস মিহলাই খাব লাগে আৰু গাত লগাব লাগে।