বোকাজানত বালিৰ ট্ৰাক আৰু তেল টেংকাৰৰ মাজত মুখামুখি সংঘৰ্ষ

বোকাজান থানাৰ অন্তৰ্গত সৰিয়হজানত ৩৯ নং ৰাষ্ট্ৰীয় ঘাইপথত আজি এক ভয়ংকৰ পথ দূৰ্ঘটনা সংঘটিত হয় ৷ ঘটনাৰ বিৱৰণী মতে, ডিমাপুৰ দিশে আহি থকা এখন বালি ভৰ্তি ট্ৰাক আৰু বিপৰীত দিশৰ পৰা অহা এখন তেল টেংকাৰৰ মাজত মুখামুখিকৈ খুন্দা খোৱাৰ লগে লগেই টেংকাৰখন দাউ দাউকৈ জ্বলি উঠে ৷

অতৰ্কিতে জুইৰ লেলিহান শিখাই আৱৰি ধৰা টেংকাৰখনৰ চালকে বাহিৰলৈ ওলাই আহিবলৈও সক্ষম নহ’ল আৰু গাড়ীতে জ্বলি চাই হৈ যায় ৷ পাছত অগ্নি নিৰ্বাপক বাহিনীয়ে জুই নিয়ন্ত্ৰণ কৰিবলৈ সক্ষম হয় ৷

চালকজনৰ পৰিচয় এতিয়াও জানিব পৰা হোৱা নাই ৷ ঘটনাটোৱে অঞ্চলটোত শোকৰ ছাঁ পেলাইছে ৷