গৰমৰ বাবে আমি বেছিভাগ সময় শীততাপ নিয়ন্ত্ৰিত কোঠাত বহি থাকো। তাৰ পৰাই কেতিয়াবা গৰমত বাহিৰলৈ যাওঁ, বাহিৰৰ পৰা আহি গা ধুই তিতা শৰীৰত পুনৰ ঠাণ্ডা কোঠাত প্ৰৱেশ কৰোঁ। এনেদৰে স্বাস্থ্য বেয়া হৈ চৰ্দি হোৱাটো অতি স্বাভাৱিক। কিন্তু যি হাৰত কৰ’নাৰ দ্বিতীয়টো ঢৌৱে সকলোকে আক্ৰমণ কৰিছে, আনকি এতিয়া অলপ কাহ হ’লেও, আমি আতংকিত হৈ পৰিছো। এয়া স্বাভাৱিক। কাৰণ ফ্লু ভাইৰাছ আৰু কৰ’না ভাইৰাছৰ লক্ষণবোৰ প্ৰায় একে। কেনেদৰে আপুনি চিনাক্ত কৰিব আপুনি কোনটোত ভুগি আছে ?
সংক্ৰমণ
ফ্লু ভাইৰাছ বায়ুত বিয়পে। আৰু কৰ’না ভাইৰাছ মুখ্যতঃ মানুহৰ সংস্পৰ্শলৈ আহিলে বিয়পে। কিন্তু শেহতীয়া গৱেষণাই পৰামৰ্শ দিয়ে যে কৰ’নাও বতাহত বিয়পি আছে। ফ্লু সাধাৰণতে কেইদিনমানৰ ভিতৰতে আৰোগ্য হয়। আৰু প্ৰভাৱটো বৰ গুৰুতৰ নহয়। ক’ভিড অধিক মাৰাত্মক হয় আৰু এই ৰোগৰ প্ৰভাৱো দীৰ্ঘম্যাদী।
লক্ষণ
সমস্যাটো হ’ল দুয়োটা ৰোগৰ লক্ষণ প্ৰায় একে। কিছুমান লক্ষণ আছে যেনে ডিঙিৰ বিষ, জ্বৰ, কাহ, শৰীৰত বিষ যি একেই। কিন্তু কৰ’নাৰ ক্ষেত্ৰত, সোৱাদ আৰু গোন্ধ নোপোৱাটো এটা ডাঙৰ লক্ষণ যিটো আপুনি ফ্লুৰ ক্ষেত্ৰত নাপাব। ওকালি অহা, শৰীৰত অত্যাধিক ভাগৰ – এইবোৰ কৰ’নাত অধিক লক্ষণীয়। আপুনি সাধাৰণতে ফ্লু ভাইৰাছ সংক্ৰমণৰ এক ৰ পৰা দুই দিনৰ ভিতৰত লক্ষণবোৰ লক্ষ্য কৰিব। কিন্তু কৰ’নাৰ ক্ষেত্ৰত, আপুনি ইয়াক তিনিৰ পৰা পাঁচ দিনৰ পাছত বুজি পাব। আকৌ ১৪ দিন পাছত লক্ষণবোৰ দেখা যায়।
কি কৰিব?
আপোনাৰ শৰীৰক ভালদৰে বুজিবলৈ চেষ্টা কৰক। যদি আপোনাৰ ডিঙিৰ সামান্য বিষ বা জ্বৰ হয় তেন্তে আতংকিত নহ’ব। দুদিনৰ বাবে বুজিবলৈ চেষ্টা কৰক যে ডিঙিৰ বিষ, চৰ্দি আৰু জ্বৰৰ বাহিৰে ক’ভিডৰ আন কোনো লক্ষণ দেখা যায় নেকি। গৰম পানীৰে গাৰ্গল কৰক। তুলসী পাত আৰু মৌ উতলাই খাওক। ভেষজ চাহ বাৰে বাৰে খাব। যদি আপুনি দেখে যে দুই তিনি দিনত পৰিস্থিতি উন্নত হোৱা নাই, আপুনি ক’ভিড পৰীক্ষা কৰাব লাগিব।
সাৱধানৰ মৰণ নাই । গতিকে কেইদিনমানৰ বাবে আপুনি লক্ষণবোৰ বুজিবলৈ চেষ্টা কৰক , ঘৰৰ আন সদস্যৰ পৰা পৃথক হৈ থাকিব। মাস্ক ব্যৱহাৰ কৰক। যদি পাৰে পৃথক বাথৰুম ব্যৱহাৰ কৰক। যদি পৃথক বাথৰুম নাই,তেতিয়াহলে আপুনি বাথৰুম ব্যৱহাৰ কৰা পাছত ছেনিটাইজ কৰিহে বাকীসকলক ব্যৱহাৰ কৰিবলৈ কওক । পৃথক বাচনত খাওক। দিনত দুবাৰ কৈ ভাপ লওক।