কৰ’না সময়ত বহুতো সমস্যাই দেখা দিয়ে । কিন্তু বহুতে কয় যে কৰ’নাৰ পৰা আৰোগ্য হোৱাৰ পাছত চুলি সৰা হ্ৰাস হোৱা নাই। শৰীৰত হোৱা ভাইৰাছৰ প্ৰভাৱত চুলিত প্ৰভাৱ পৰিছে। ইয়াৰ পৰা পৰিত্ৰাণ পোৱাৰ আটাইতকৈ সহজ উপায় হ’ল যদি আপোনাৰ চুলি অত্যাধিক দীঘল হয় তেন্তে আপোনাৰ চুলি কাটি দিয়া।
যদি চুলিখিনি কটা হয় তেন্তে সঠিক যত্ন লোৱা সম্ভৱ হ’ব। আপুনি যথেষ্ট পৰিমাণে ভিটামিন আৰু প্ৰ’টিন খোৱা উচিত। যি আপোনাৰ শৰীৰৰ শক্তি বৃদ্ধি কৰিব আৰু চুলি সৰা প্ৰতিহত কৰিব। কিন্তু নিশ্চিতভাৱে ইয়াৰ বাবে চিকিৎসকৰ পৰামৰ্শ লওঁক।
কিন্তু চুলি সৰা কমাবলৈ কেইটামান ঘৰুৱা প্ৰতিকাৰ আছে। তেনে ক্ষেত্ৰত আপুনি সৰল পদ্ধতি অনুসৰণ কৰিব পাৰে। উদাহৰণ স্বৰূপে, আপোনাৰ চুলিত গৰম তেল মালিচ কৰক। বহুতো বিশেষজ্ঞই এই পৰামৰ্শ দিয়ে। এই ক্ষেত্ৰত, গৰম তেলৰ মালিচ ১৫-২০ মিনিটৰ বাবে কৰিব লাগে। চুলিৰ তলত ভালদৰে মালিচ কৰক। তাৰ পাছত চুলিবোৰ টাৱেলেৰে বান্ধি দিয়ক। ই চুলি কোমল কৰে।
দ্বিতীয়তে আপুনি চুলিত কেষ্টৰ তেল লগাব পাৰে। কেষ্টৰ তেলত অমেগা-৯ ৰ একাধিক উপাদান থাকে। এই ক্ষেত্ৰত, বাদাম তেলৰ স’তে কেষ্টৰ তেল মিহলি কৰক আৰু ভালদৰে মালিচ কৰক। ইয়াৰ স’তে কেইটামান জাবাফুল মিহলি কৰক। এই মিশ্ৰণটোত ফ্লেভোনইড, ভিটামিন ই, এমিনো এচিড থাকে। ই চুলি শক্তিশালী কৰাৰ লগতে চুলিৰ ৰং উজ্জ্বল কৰে। আপুনি এই সময়ত আপোনাৰ চুলি নিয়মীয়াকৈ পৰিষ্কাৰ কৰি ৰাখিব লাগে। কিয়নো যদি চুলিৰ শিপা পৰিষ্কাৰ হয়, চুলি সৰা যথেষ্ট হ্ৰাস হ’ব।
ইয়াৰ পাছত আপুনি আটাইতকৈ বেছি খাদ্যৰ ওপৰত গুৰুত্ব দিব লাগিব। অধিক পানী খাব। ভিটামিন, প্ৰ’টিন খোৱা বৃদ্ধি কৰক। বিশ্ৰাম লওক। কিয়নো কৰ’না আৰোগ্য হ’লেও, ভাইৰাছে শৰীৰত এক ক্লান্তিকৰ প্ৰভাৱ পেলায়। গতিকে পৰ্যাপ্ত বিশ্ৰামৰ প্ৰয়োজন।