স্পেনিছ দ্বীপপুঞ্জৰ আকাৰৰ এটা তুষাৰখণ্ড এণ্টাৰ্কটিকাৰ উপকূলত ভাঙি পৰে । উপগ্ৰহ আৰু বিমানৰ পৰা গ্ৰহণ কৰা পৰিমাপ অনুযায়ী এইটো বিশ্বৰ বৃহত্তম তুষাৰ খণ্ড ।
ইউৰোপীয়ান স্পেছ এজেন্সিয়ে জনায় যে, আইচবাৰ্গ এ-৭৬ এণ্টাৰ্কটিকাৰ ৰোন আইচ ছেল্ফৰ পশ্চিম দিশৰ পৰা ভাঙি পৰিছে আৰু ই এতিয়া ৱেডেল সাগৰত উটি আছে । তুষাৰখণ্ডটোৰ দৈৰ্ঘ্য ১৭০ কিলোমিটাৰ (১০৫ মাইল) আৰু প্ৰস্থ ২৫ কিলোমিটাৰ (১৫ মাইল) । ই নিউয়ৰ্কৰ আইলেণ্ডতকৈ বৃহৎ আৰু পোৱেট্ৰ’ ৰিক’ৰ অৰ্ধ আকাৰৰ সমান ।
অন্যান্য গ্ৰহৰ তুলনাত এণ্টাৰ্কটিকাৰ তুষাৰখণ্ড দ্ৰুত উষ্ণ হ’বলৈ লৈছে । ফলত, বিশেষকৈ ৱেডেল সাগৰৰ আশে-পাশে বৰফ আৰু ইয়াৰ আচ্ছাদন গলিবলৈ লৈছে লগতে হিমবাহৰ পাশ্চাদপসৰণ ঘটিছে । হিমবাহ পাশ্চাদপসৰণ ঘটাৰ সময়ত বৰফৰ কিছু অংশ বিচ্ছিন্ন হৈ যায় আৰু একবাৰে ভাঙি নাযোৱা বা ভূ-খণ্ডত খুন্দা নমাৰা পৰ্যন্ত বিচ্ছিন্নভাৱে উটি থাকে ।
চলিত মাহৰ আৰম্ভণিতে ‘নেছাৰ’ত প্ৰকাশিত এক গৱেষণা অনুসৰি, ১৯৮০ ৰ তুলনাত সমুদ্ৰ পৃষ্ঠ প্ৰায় ন ইঞ্চি বৃদ্ধি পাইছে আৰু ইয়াৰ এক চতুৰ্থাংশ বৃদ্ধি পাইছে গ্ৰীণলেণ্ডৰ হিমবাহ গলন আৰু এণ্টাৰ্কটিকা হিম খণ্ডৰ বাবে ।
১৫ খন দেশৰ ৮৪ জন বিজ্ঞানীয়ে গৱেষণাত এই সিদ্ধান্তত উপনীত হয় যে, গ্ৰীণহাউচ গেছ নিঃসৰণ হ্ৰাস কৰা আৰু জলবায়ু পৰিৱৰ্তন লেহেমীয়া কৰাৰ যি উচ্চাকাংক্ষী ৰাষ্ট্ৰীয় লক্ষ্য আছে, সেই সমূহ সমুদ্ৰ পৃষ্ঠ বৃদ্ধি হোৱাত বাধা দিবৰ বাবে যথেষ্ট নহয় ।
যদি দেশসমূহে পেৰিছ চুক্তিত উল্লেখিত পূৰ্ববৰ্তী প্ৰতিশ্ৰুতিসমূহ পালন কৰে, হিমবাহ আৰু বৰফৰ গলনে সমুদ্ৰ পৃষ্ঠ দ্ৰুত হাৰত বৃদ্ধি কৰিব ।