এক পুৰণি গোচৰৰ ভিত্তি কৰি বাগসাৰ লাৱদাংগুৰি আৰক্ষীয়ে গ্ৰেপ্তাৰ কৰি আজি জেল হাজোতলৈ প্ৰেৰণ কৰিছে এজন ছাত্ৰনেতা৷ছাত্ৰনেতাজন হৈছে সদৌ বিটিচি সংখ্যালঘু ছাত্ৰ সন্থা চমুকৈ এবিএমছুৰ শালবাৰী জিলা সমিতিৰ সভাপতি স্বাইজুদ্দিন খণ্ডকাৰ ৷
আৰক্ষীসূত্ৰে জানিব পৰা মতে, প্ৰায় এবছৰ পূৰ্বে বাগসাৰ গোৱৰ্ধনা আৰক্ষী থানাৰ অন্তৰ্গত লাৱদাংগুৰিত এখন জুৱা খেলক লৈ মাৰপিটৰ ঘটনা সংঘটিত হৈছিল আৰু সিদিনাই মাৰপিটৰ পাছতেই এক ধৰ্ষণ কাণ্ডও সংঘটিত হৈছিল ৷
য’ত সাঙুৰ খাই পৰিছিল এবিএমছুৰ শালবাৰী জিলা সমিতিৰ সভাপতি স্বাইজুদ্দিন খণ্ডকাৰৰ নামো ৷ স্বাইজুদ্দিন খণ্ডকাৰৰ লগতে আন সাত জনৰ বিৰুদ্ধে সেই সময়তেই ভুক্তভোগীৰ ফালৰপৰা এজাহাৰ দাখিল কৰা হৈছিল আৰু এবছৰ পাছত আদালতৰ নিৰ্দেশ মৰ্মে আজি পুৱতিনিশা আটক কৰা হয় ছাত্ৰ সংগঠনটোৰ নেতা জনক ৷
ইতিমধ্যে গোৱৰ্ধনা আৰক্ষী থানাত ৰুজু হোৱা ৮/২০ নং গোচৰৰ ভিত্তিত আৰক্ষীয়ে ছাত্ৰনেতা জনক গ্ৰেপ্তাৰ কৰি জেল হাজোতলৈ প্ৰেৰণ কৰিছে ৷