বিজেপি ইউ পি পি এল নেতৃত্বাধীন বিটিচি চৰকাৰখনে দুৰ্নীতিৰ বিৰুদ্ধে যিমানেই শূণ্য সহণশীলতাৰ কথা নকওক কিয় একাংশ ঠিকাদাৰে চৰকাৰৰ আদর্শক ভেঙুচালি কৰি চৰকাৰী পুঁজি লুণ্ঠন কাৰ্য্য আব্যাহত ৰাখিছে । ইয়াৰ এক প্ৰমাণ হৈছে কোকৰাঝাৰ জিলাৰ কঁচুগাঁও উন্নয়ন খণ্ডৰ অন্তৰ্গত গোকুলকাটাৰ পৰা দাৱাগুৰিলৈ যোৱা চি চি ব্লকৰ পথ নিৰ্মান কাৰ্য ।
বিটিচি চৰকাৰে ই এম পুঁজিৰ জৰিয়তে অৱন্টন দিয়া দুই কৌটি ৩৬ লাখ টকাৰ প্ৰায় তিনি কিঃমিঃ দৈৰ্ঘ্যৰ পথ নিৰ্মাণত ব্যাপক লুণ্ঠনৰ গুৰুতৰ অভিযোগ উত্থাপিত হৈছে । বিগত ১৫ বছৰ আগতে বিপিএফ চৰকাৰে পকীকৰণ কৰা ব্লেক টোকিং জে চি বিৰ দ্বাৰা উঠাই পথখনত পুনৰ ব্যৱহাৰ কৰা পৰিলক্ষিত হৈছে । নীৰৱতা অৱলম্বন অভিযন্তাৰ।
উক্ত পথ নিৰ্মাণ কাৰ্যৰ দায়িত্বত থকা অভিযন্তাৰ অনুপস্থিতিত অনিয়মেৰে অতি ন্যূনতম পৰ্য্যায়ৰ কাৰ্যক লৈ অসন্তুষ্টি প্ৰকাশ কৰিছে স্থানীয় ৰাইজে । এই ক্ষেত্ৰত প্ৰমোদ বড়োৰ নেতৃত্বাধীন চৰকাৰখনে কি ব্যৱস্থা লয় এয়া হ’ব অতিকৈ লক্ষণীয় ।