ছমাহ পূর্বে বার্মিজ সেনাই সামৰিক অভুত্থানৰ জৰিয়তে ম্যানমাৰৰ ক্ষমতা দখল কৰাৰ পাছত সম্প্রতি দেশখনত ভয়াৱহ বিত্তীয় সমস্যাই দেখা দিছে।
ম্যানমাৰত নগদ ধনৰ যথেষ্ট অভাৱ ঘটিছে আৰু দেশখনৰ প্রায়বােৰ এ টি এমতে ধন উলিয়াবলৈ ঘণ্টাৰ পাছত ঘণ্টা ধৰি নাগৰিকসকলে শাৰী পাতিব লগা হৈছে।
বহু এ টি এমত নগদ ধন নথকাৰ ফলত কে’বাঘণ্টা ধৰি শাৰী পতাৰ পাছতাে বহু লােকে নিৰাশ হৈ উভতিব লগা হৈছে। এ টি এমত ধন উলিওৱাৰ ক্ষেত্ৰতাে এজন ব্যক্তিক সর্বাধিক ন হেজাৰ টকা উলিওৱাৰ অনুমতি দিয়া হৈছে।
আর্থিক সংকটৰ ফলত দেশখনত বাণিজ্যিক লেনদেনাে বাধাগ্রস্ত হৈছে। নগদ ধনৰ অভাৱত বহু লােকে নিত্য ব্যৱহার্য সা-সামগ্রী ক্রয় কৰিব পৰা নাই। ইফালে,আর্থিক সংকটৰ মাজতে ম্যানমাৰৰ মুদ্ৰাৰ মূল্য ডলাৰৰ তুলনাত ২০ শতাংশ হ্রাস পালে।
দেশখনত সম্প্রতি এশটাতকৈ কমসংখ্যক এ টি এমতহে নির্দিষ্ট পৰিমাণৰ নগদ ধন মজুত ৰখা হৈছে। চহৰৰ তুলনাত ম্যানমাৰৰ গ্রামাঞ্চলত নগদ ধনৰ সর্বাধিক নাটনি ঘটিছে।
উপায়হীন হৈ গ্রামাঞ্চলৰ কৃষকসকলে খাদ্য দ্রব্য, শাক-পাচলি আদিৰ বিনিময় কৰিবলৈ বাধ্য হৈছে। ইফালে, দেশখনত গণতন্ত্রৰ পুনৰ প্ৰতিষ্ঠাৰ দাবীৰে নাগৰিকসকলে প্রতিবাদী আন্দোলন অব্যাহত ৰাখিছে।