দিল্লী বিশ্ববিদ্যালয় শিক্ষা ব’ৰ্ড (ডি বি এছ ই)এ ইয়াৰ অধীনস্থ বিদ্যালয়সমূহত আন্তৰ্জাতিক মানদণ্ডৰ শিক্ষাদান কৰিব । ডি বি এছ ইয়ে ইয়াৰ বাবে আন্তৰ্জাতিক সংস্থা আই বিৰ স’তে এখন বুজাবুজিৰ চুক্তিত স্বাক্ষৰ কৰিলে ।
দিল্লীৰ ৩০ খন চৰকাৰী বিদ্যালয়ত আইবিৰ পাঠ্যক্ৰম প্ৰৱৰ্তিত হ’ব । এই ৩০খন বিদ্যালয়ৰ মাজত বাজেটত ঘোষণা কৰা বিদ্যালয়ো আছে । নৱম শ্ৰেণীৰ পৰা দ্বাদশ শ্ৰেণীলৈকে ২০ স্পিচিয়েলাইজড স্কুল অৱ এক্সিলেন্স হ’ব আৰু নাৰ্ছাৰীৰ পৰা অষ্টম শ্ৰেণীলৈকে ১০খন সৰ্বোদয় বিদ্যালয় হ’ব ।
প্ৰৱেশ পৰীক্ষাৰ জৰিয়তে ৩০ খন বিদ্যালয়ত ছাত্ৰ-ছাত্ৰীৰ নামভৰ্তি কৰা হ’ব । আই বি হৈছে এটা ব্যক্তিগত আন্তৰ্জাতিক শিক্ষা প্ৰতিষ্ঠান আৰু ইয়াৰ মুখ্য কাৰ্যালয় জেনেভাত আছে । আই বিৰ অধীনত বিশ্বত পাঁচ হেজাৰ বিদ্যালয় আছে আৰু ইয়াৰে ১৯৩খন হৈছে ভাৰতৰ বিদ্যালয় । আন্তৰ্জাতিক মানৰ শিক্ষাদানৰ বাবে আই বিয়ে শিক্ষকসকলক প্ৰয়োজনীয় প্ৰশিক্ষণ প্ৰদান কৰিব ।