গুৱাহাটীৰ এখন ব্যক্তিগত চিকিৎসালয়ত ক’ভিড পজিটিভ হৈ আঠমহীয়া কেঁচুৱা আৰিয়ান হুছেইনে মৃত্যুৰ সৈতে যুঁজ দি আছে । কলগাছিয়াৰ আদিতপুৰ গাঁৱৰ আবুল হুছেইনৰ পুত্ৰ আৰিয়ান হুছেইনৰ (বয়স আঠ মাহ) চাৰি মাহ পূৰ্বে ক’ভিড পজিটিভ ধৰা পৰে ।
বৰপেটা ফখৰুদ্দিন আলি আহমেদ মেডিকেল হাস্পতালৰ চিকিৎসাত নিগেটিভ হৈ ঘৰলৈ উভতি আহে যদিও পুনৰ কেচুৱাটি অসুস্থ হোৱাত গুৱাহাটী মেডিকেল হাস্পতালত চিকিৎসা কৰা হয় । ইয়াতো কেচুৱাটিৰ স্বাস্থ্যৰ কোনো উন্নতি নোহোৱাত পৰিয়ালৰ মাজত তীব্ৰ হাহাকাৰৰ সৃষ্টি হৈছে ।
যোৱা দুমাহ ধৰি গুৱাহাটীৰ এখন ব্যক্তিগত চিকিৎসালয়ত চিকিৎসাধীন হৈ আছে যদিও আজিকোপতি একো পৰিৱৰ্তন হোৱা নাই বুলি পৰিয়ালৰ লোকে জানিবলৈ দিয়ে । বিগত চাৰি মাহ ধৰি ক’ভিড-১৯ত আক্ৰান্ত কেচুৱাটি মৃত্যুৰ সৈতে যুঁজ দিছে ।
পৰিয়ালে সমস্ত বিক্ৰী কৰি চিকিৎসা কৰিছে যদিও সুস্থ কৰিব পৰা নাই। এই ক্ষেত্ৰত কেচুৱাটিৰ চিকিৎসাৰ বাবে অসমৰ মুখ্যমন্ত্ৰী আৰু স্বাস্থ্য মন্ত্ৰীৰ ওচৰত সহায় বিচাৰিছে পৰিয়ালৰ লোকে । কোনো সদাশয় লোকে আৰ্থিক সাহাৰ্য্য দিব বিচাৰিলে A/C 33908994644, IFSC SBIN0005091 নম্বৰত সহায় কৰাৰ বাবে অনুৰোধ জনাইছে ।