কম বেছি পৰিমাণে সকলোৱে দুপৰীয়াৰ আহাৰ বা ৰাতিৰ আহাৰ খোৱাৰ পাছত মিঠা কিবা খাবলৈ ভাল পায়। তেনে ক্ষেত্ৰত, বহুলোকে মিঠাই বজাৰ কৰাৰ বিকল্প হিচাপে গুড় খাবলৈ পছন্দ কৰে।
বহুলোকে স্বাস্থ্যজনিত কাৰণত তেওঁলোকৰ দৈনন্দিন আহাৰত গুড় ৰাখে। গুৰৰ বিভিন্ন স্বাস্থ্যজনিত উপকাৰ থকাৰ লগতে কিছুমান পাৰ্শ্বক্ৰিয়াও আছে ।
ৰক্ত শৰ্কৰাৰ স্তৰ বৃদ্ধি হয়
১০০ গ্ৰাম গুৰত প্ৰায় ৩৮৩ কেলৰি থাকে। গতিকে প্ৰতিদিনে খোৱাৰ পাছত বা অন্য ভাবে গুৰ খোৱাৰ ফলত ৰক্ত শৰ্কৰা বা চুগাৰৰ মাত্ৰা বৃদ্ধি হ’ব পাৰে।
পৰজীৱী সংক্ৰমণ হ’ব পাৰে
গুৰ ৰাখিবলৈ ব্যৱহৃত টিনৰ পাত্ৰ স্বাস্থ্যকৰ নহয়। গুৰ বনাবলৈ ব্যৱহাৰ কৰা কুঁহিয়াৰ বহুক্ষেত্ৰত ধোৱা নহয়। গতিকে পৰজীৱীয়ে ইয়াত বাহ কৰিব পাৰে। গতিকে গুৰ কিনাৰ সময়ত এই বস্তুবোৰৰ যত্ন ল’ব লাগিব আৰু খোৱাৰ সময়ত সকলো দিশ বিচাৰ কৰি চাব পাৰে।
অত্যাধিক গুৰ খোৱাৰ ফলত এলাৰ্জি হ’ব পাৰে
অত্যাধিক গুৰ খোৱাৰ ফলত এলাৰ্জি হ’ব পাৰে যাৰ ফলত স্বাস্থ্যজনিত সমস্যা যেনে ঠাণ্ডা, ওকালি অহা, পেটৰ বিষ, মুৰৰ বিষ, কাহ আদি হ’ব পাৰে। যদি এনেকুৱা কিবা হয়, আপুনি খোৱা গুৰ খোৱা পৰিমাণ হ্ৰাস কৰিব লাগিব।
ওজন বৃদ্ধি কৰে
বহুলোক শৰীৰৰ ওজনৰ বিষয়ে চিন্তিত। যদি তেওঁলোকে নিয়মীয়াকৈ গুৰ খায়, শৰীৰৰ ওজন বৃদ্ধিৰ সমস্যা বৃদ্ধি হ’ব পাৰে। কিয়নো গুৰত যথেষ্ট চৰ্বি, প্ৰ’টিন, গ্লুকোজ, ফ্ৰুক্টোজ থাকে। গতিকে গুৰ খোৱাৰ আগতে এই বোৰ কথা মনত ৰাখিব লাগিব।
কোষ্ঠকাঠিন্যৰ সমস্যাই দেখা দিব পাৰে
অত্যাধিক পৰিমাণৰ গুৰ খোৱাৰ ফলত ৰোগ প্ৰতিৰোধ ক্ষমতা বৃদ্ধি হয়। পেটটোও ঠাণ্ডা হয়। কিন্তু গুৰৰ অত্যাধিক সেৱনে হজমহশক্তি দুৰ্বল কৰিব পাৰে। ফলস্বৰূপে, কোষ্ঠকাঠিন্যৰ সমস্যা উদ্ভৱ হয়।