বিগত দিনবোৰত কলগাছিয়া খণ্ড প্ৰাথমিক স্বাস্থ্য কেন্দ্ৰৰ এলেকাধীন কৰ’না প্ৰতিষেধক কেন্দ্ৰসমূহত ৰাইজৰ অত্যাধিক ভিৰ হোৱা পৰিলক্ষিত হয় । প্ৰতিষেধক প্ৰদান কেন্দ্ৰসমূহত ৰাইজৰ হেতা-ওপৰা লগাৰ প্ৰতি লক্ষ্য কৰি বৰপেটাৰ উপায়ুক্ত তেজ প্ৰসাদ ভূচালে গাঁৱে গাঁৱে প্ৰতিষেধক প্ৰদানৰ নিৰ্দেশ প্ৰদান কৰে ।
উপায়ুক্তৰ নিৰ্দেশ মৰ্মে কলগাছিয়া খণ্ড প্ৰাথমিক স্বাস্থ্য কেন্দ্ৰৰ এলেকাধীন ৩১ টা কেন্দ্ৰত কৰ’না প্ৰতিষেধক প্ৰদানৰ কাম আৰম্ভ হৈছে । বৰপেটা জিলাৰ উপায়ুক্ত তেজ প্ৰসাদ ভূচাল আৰু কলগাছিয়া খণ্ড প্ৰাথমিক স্বাস্থ্য কেন্দ্ৰৰ স্বাস্থ্য বিষয়া ডাঃ নাজিৰুল ইছলামৰ তৎপৰতাৰ ৰাইজে গাঁৱতে কৰ’না প্ৰতিষেধক ল’বলৈ পাই উৎফুল্লিত হোৱা দেখা গৈছে । বৰপেটা জিলাৰ উপায়ুক্তৰ পদক্ষেপক গঞা ৰাইজে ভূয়সী প্ৰসংশা কৰে ।