হিন্দুস্তান পেপাৰ মিল (এইছপিচি) আৰু কাচাৰ আৰু নগাঁও কাগজকলৰ শ্ৰমিকসকলৰ সমস্যা সমাধানৰ বাবে এইছপিচি-ৰ সকলো ইউনিয়ন আৰু সমিতিয়ে অসম চৰকাৰৰ স’তে এক চুক্তিত সহমত হয় ।
কালিৰ আলোচ্য মূল বিষয়সমূহ হৈছে –
● এইছপিচি-ৰ সম্পদ ৰাজ্য চৰকাৰৰ জিম্মাত থাকিব ।
● অসম চৰকাৰে জমা দিয়া এনচিএলটি প্ৰস্তাৱ অনুমোদনৰ দুমাহৰ ভিতৰত ৫৭০ কোটি টকাৰ সাহায্য পেকেজ বিতৰণ কৰা হ’ব ।
● এইছপিচি-ৰ ১০০ যুৱ কৰ্মচাৰীক চৰকাৰী চাকৰি দিয়া হ’ব ।
● এইছপিচি-ৰ অধীনস্থ চিকিৎসালয়ৰ ডাক্তৰ-নাৰ্ছক স্থায়ী চাকৰি প্ৰদান কৰা হ’ব ।
দীৰ্ঘ আলোচনাৰ পাছত মুখ্যমন্ত্ৰী ড° হিমন্ত বিশ্ব শৰ্মাই টুইট কৰি কয়, ‘অৱশেষত হিন্দুস্তান পেপাৰ কৰ্পোৰেছনৰ শ্ৰমিক আৰু কৰ্মচাৰীসকলৰ স’তে তেওঁলোকৰ বেতন আৰু প্ৰাপ্য সংক্ৰান্ত দীৰ্ঘদিনৰ বিচাৰাধীন সমস্যা সমাধানৰ বাবে চুক্তি হৈছে । মোৰ কাৰ্যালয়ত চাৰি ঘণ্টাৰো অধিক সময় ধৰি আলোচনা হয় আৰু নিশা দুই বজাত সমাপ্ত হয় ।’
Finally reached agreement with the workers and employees of Hindustan Paper Corporation to resolve long pending issues of their salaries and dues.Discussion lasted over 4 hours in my office and concluded at 2 AM. Back to home now. Will leave for north Assam tour at 8 AM
— Himanta Biswa Sarma (Modi Ka Parivar) (@himantabiswa) September 28, 2021