অতি শীঘ্ৰে সমগ্ৰ দেশত প্ৰতি লিটাৰ পেট্ৰ’ল আৰু ডিজেলৰ ন্যূনতম মূল্য এশ টকা হোৱাৰ সম্ভাৱনাই দেখা দিছে । ইতিমধ্যে দেশৰ কে’বাখনো ৰাজ্যত এই মূল্যই এশ টকাৰ সীমা অতিক্ৰম কৰিছে । যিকেইখন ৰাজ্যত এতিয়াও সেই মূল্যই এশ টকাৰ সীমা অতিক্ৰম কৰিছে । যিকেইখন ৰাজ্যত এতিয়াও সেই মূল্যই শতকৰ সীমা স্পৰ্শ কৰা নাই সেইবোৰতো শীঘ্ৰে এশ টকা হ’ব বুলি সম্ভাৱনা ব্যক্ত কৰা হৈছে ।
তাৰেই ইংগিত দি মাত্ৰ ছদিনৰ ভিতৰত প্ৰতি লিটাৰ পেট্ৰ’লৰ মূল্য ১.০২ টকা আৰু ডিজেলৰ ১.০৭ টকা বৃদ্ধি হয় । যোৱা ২৮ ছেপ্টেম্বৰত অসমৰ অধিকাংশ জিলাত প্ৰতি লিটাৰ পেট্ৰ’লৰ মূল্য এই সময়ছোৱাত বৃদ্ধি হয় ৮৮.৯৮ টকাৰ পৰা ৯০.২৫ টকালৈ ।
উল্লেখ্য যে যোৱা এসপ্তাহৰ পৰা মাত্ৰ কেইদিনমানৰ বিৰতিত পুনৰ দেশত পেট্ৰ’ল আৰু ডিজেলৰ মূল্য বৃদ্ধি হ’বলৈ আৰম্ভ কৰিছে । চৰকাৰৰ নিয়ন্ত্ৰণৰ পদক্ষেপেই এই ক্ষেত্ৰত নাই । বৰঞ্চ কৰৰ পৰিমাণহে চৰকাৰে ওভতগোৰে নাচি বৃদ্ধি কৰি গৈছে । ইতিমধ্যে দিল্লী, কলকাতা, মুম্বাই, চেন্নাই, বাংগালুৰু, ভূৱনেশ্বৰ, হাইদৰাবাদ, জয়পুৰ, পাটনা, তিৰুৱন্তপূৰম আদিত পেট্ৰ’লৰ মূল্যই এশ টকাৰ সীমা কেতিয়াবাই পাৰ কৰিছে ।