ঘৰৰ জ্যেষ্ঠসকলক দেখি বহু সময়ত শিশুসকলে চাহ খাব বিচাৰে । বিশেষকৈ এই অতিমাৰীৰ সময়ত জ্যেষ্ঠসকলৰ স’তেই অধিক সময় কটায় তেওঁলোকে । ফলত বাকীসকলৰ দৰেই চলা-ফুৰা কৰিব বিচাৰে ।
কিন্তু চাহ বিচাৰিলে তেওঁলোকক দিয়া উচিত নে ? এ বিষয়ত যুগ যুগ ধৰি মত পার্থক্য আছে । বহুতে ক’লা চাহ নিদিলেও শিশুসকলক গ্রীন টি দিয়ে । সেয়া শিশুসকলৰ স্বাস্থ্যৰ পক্ষে ভাল নে ?
গ্রীন টি-ত নানা ধৰণৰ এন্টি-অক্সিডেন্ট থাকে । সেয়ে শৰীৰৰ বহু সমস্যা সমাধান কৰে । কেনেদৰে গ্রীন টি-য়ে সুস্থ থকাত সহায় কৰে ?
বিগত কিছু বছৰত সমগ্ৰ বিশ্বতে গ্রীন টি-ৰ জনপ্রিয়তা বৃদ্ধি পাইছে । তাৰ মূল কাৰণ, ইয়াত থকা স্বাস্থ্যৰ বাবে লাভজনক নানা ধৰণৰ উপাদান।
সাধাৰণতে কেফিনযুক্ত পানীয় শিশুসকলক নিদিবৰ বাবেই কোৱা হয় । চাহ-কফিত যথেষ্ট পৰিমাণৰ কেফিন থাকে । সেয়ে শিশুসকলৰ দৈনন্দিন খাদ্য তালিকা এইবোৰ ৰখা নহয় । অৱশ্য়ে ক’লা চাহৰ তুলনাত গ্রীন টি-ত কেফিনৰ মাত্রা বহুত কম । ফলত শিশুসকলক মাজে সময়ে দিলে ক্ষতি নহয় । বিশেষকৈ ঠাণ্ডা লগাৰ দৰে সমস্যা থাকিলে সামান্য নেমুৰ ৰস আৰু মৌ মিহলাই খাব পাৰে গ্রীন টি-ৰ লগত । এই কফি খালে যিকোনো অসুস্থতাৰে শৰীৰৰ ভিতৰত প্রদাহ কমে ।
যিসকল শিশুৰ দাঁতৰ সমস্যা আছে, তেওঁলোককো মাজে মাজে গ্রীন টি দিব পাৰে । কফিত থকা কাটেকিনে মুখৰ বেক্টেৰিয়াৰ স’তে যুঁজ দিয়ে ।
গ্রীন টি-য়ে হজম শক্তি বঢ়াায় । কফিত সামান্য আদা খুন্দি দিলে আৰু ভালকৈ হজম হয় । শিশুসকলে এতিয়া বহু সময়ত ঘৰত বহিয়ে কাম কৰিব লগা হৈছে । খেলা-ধুলাৰ অভাৱত হজমৰ সমস্য়াও দেখা যায় । দিনত এবাৰ গ্রীন টি খালে উপকাৰ হ’ব ।