সাংবাদিক আৰু সংবাদ কৰ্মীৰ উমৈহতীয়া সংগঠন জাৰ্নেলিষ্ট এছ’চিয়েচন ফৰ অসম চমুকৈ (জেএএপএ)ই ২০২১ৰ গ্ৰাম্য সাংবাদিকতা বঁটাৰ বাবে অসমৰ ১০ জন সাংবাদিকক নিৰ্বাচিত কৰি নাম ঘোষণা কৰে । এই ১০ জন সাংবাদিকৰ ভিতৰত কোকৰাঝাৰ জিলাৰ চিথিলাৰ বাসিন্দা সাংবাদিক কৃষ্ণ বৰ্মনো নিৰ্বাচিত হোৱাত চিথিলা অঞ্চলৰ লগতে জিলাখনৰ অধীন বিভিন্ন দল সংগঠনৰ মাজত উৎফু ল্লিত হোৱা পৰিলক্ষিত হয় ।
সেই হেতুকে সদৌ অসম বাঙালী যুৱ ছাত্ৰ ফেডাৰেছনৰ কোকৰাঝাৰ জিলা সমিতিয়ে ফেডাৰেছনৰ চিথিলাস্থ কাৰ্যালয়ত এক অনুষ্ঠান অনুষ্ঠিত কৰি সাংবাদিক কৃষ্ণ বৰ্মনক ফুলাম গামোচা , উত্তৰীয় আৰু নেতাজী সুভাষ চন্দ্ৰ বসুৰ প্ৰতিছবিৰে সম্বৰ্ধনা জনায় । উক্ত সম্বৰ্ধনা অনুষ্ঠানত সদৌ অসম বাঙালী যুৱ ছাত্ৰ ফেডাৰেছনৰ কোকৰাঝাৰ জিলা সমিতৰ সভাপতিৰ ইন্দ্ৰজীৎ দেৱনাথ , বগৰিগৰী গাওৰ গাওবুঢ়া প্ৰান কৃষ্ণ দাস , প্ৰমোদ দত্তৰ লগতে বেংগলী টাইগাৰ ফৰ্চৰ প্ৰাক্তন কৰ্মকৰ্তা সকলোও উপস্থিত থাকে ।