কোকৰাঝাৰত সুধাকন্ঠ ড° ভূপেন হাজৰিকাৰ মৃত্যুবাৰ্ষিকী পালন

সমগ্ৰ ৰাজ্যৰ লগতে কোকৰাঝাৰ চহৰৰ মাজমজিয়াৰ শিশু উদ্যাণৰ সমীপত যোৱাকালি সন্ধিয়া কোকৰাঝাৰ শাখা সাহিত্য সভাৰ উদ্যোগত আৰু সাংস্কৃতিক সমাজ  আৰু মণিকাঞ্চণ মহিলা সমিতিৰ সহযোগত সুধাকণ্ঠ ড° ভূপেন হাজৰিকাদেৱৰ দশম মৃত্যুবাৰ্ষিকী উদযাপন কৰা হয় ৷

এই উপলক্ষে সুধাকন্ঠ ড° ভূপেন হাজৰিকাৰ প্ৰতিকৃতিতত মাল্যপৰ্ণৰে আৰম্ভ কৰে আমন্ত্ৰিত অতিথি হিচাৱে কোকৰাঝাৰৰ পূৱ বিধানসভা সমষ্টিৰ বিধায়ক লৰেন্স ইছলাৰীয়ে ৷

অনুষ্ঠানত মহিলা কাঞ্চন মহিলা সমিতিৰ তৰফৰ পৰা সমবেত সংঙ্গীত আৰু কণ কণ শিশু শিল্পীয়ে পৰিৱেশন কৰা সুধাকন্ঠ ড° ভূপেন হাজৰিকাৰ কালজয়ী গীতৰ ছন্দে ছন্দে নৃত্য প্ৰদৰ্শণ কৰি কোকৰাঝাৰ চহৰ জীপাল কৰি তোলা পৰিলক্ষিত হয়  ।