কৰ’না অতিমাৰীৰ সময়তে উদ্বেগ বৃদ্ধি কৰিছে ডেংগীয়ে । ইতিমধ্যে দক্ষিণ দমদম আৰু বৰানগৰত ডেংগী আক্রান্তৰ গ্রাফ ঊর্ধ্বমুখী ।
বৰানগৰ পৌৰসভাৰ মুঠ আঠটা ৱার্ডত ডেংগীৰ প্রকোপ অধিক । ইয়াৰ ভিতৰত আছে ১৭, ১৮, ১৯, ১৫, ২৫, ৩, ১ আৰু ৪ নম্বৰ ৱার্ড । বিগত বৰ্ষৰ নৱেম্বৰত এই অঞ্চলত মুঠ ডেংগী আক্রান্তৰ সংখ্যা আছিল ৩৩ জন, সম্প্ৰতি এই সংখ্যা বৃদ্ধি হৈছে ৭৮ জনেলৈ । ফলত আতংকৰ সৃষ্টি হৈছে বাসিন্দাসকলৰ মাজত । শংকিত জিলা প্রশাসন আৰু স্বাস্থ্য বিভাগো ।
এলাকাত জমা পানী আৰু অপৰিচ্ছন্নতাই ডেংগীৰ প্রকোপ বঢ়াৰ মূল কাৰক বুলি কৈছে বাসিন্দাসকলে । যদিও পৌসভাৰ তৰফৰ পৰা ডেংগী আক্রান্ত এলাকাত মহ মৰা তেল আৰু ডেংগী প্রতিৰোধকাৰী ঔষধ দিয়া হৈছে । বৰানগৰ পৌৰসভাৰ ১৭ নম্বৰ ৱাৰ্ডৰ ক’অর্ডিনেটৰ অঞ্জন পালে নিজে মহবাহিত তেলৰ মেচিন লৈ সমগ্ৰ এলাকাযত স্প্রে কৰে । তেওঁ অৱশ্যে দাবী কৰে যে, আক্রান্তৰ সংখ্যা বহু পৰিমাণে কমিছে ।
বৰানগৰৰ লগতে, চহৰতলিৰ দক্ষিণ দমদমটো ডেংগী সংক্ৰমণ হৈছে । বিগত সপ্তাহত আক্রান্তৰ সংখ্যা আছিল ৩১জন, সম্প্ৰতি এই সপ্তাহত আক্রান্তৰ সংখ্যা বৃদ্ধি পাইছে ৫৬ জনলৈ । তেনে সময়তে পৌৰসভাৰ মুখ্য প্রশাসক পাঁচুগোপাল ৰায়ৰ ৱাৰ্ডতেই ডেংগী সংক্ৰমণ উদ্বেগজনক । পৌৰসভা সূত্রে খবৰ, মুখ্য প্রশাসকৰ ৱাৰ্ড নম্বৰ ২৫ । সেই ৱাৰ্ডত ক্রমশ বেংগলী সংক্ৰমণ বৃদ্ধি পাইছে । ২৫ নম্বৰ ৱার্ডতেই আক্রান্তৰ সংখ্যা ১১ জন ।
বৃহস্পতিবাৰে এই সম্পৰ্কত পৌৰসভাত জৰুৰী বৈঠক অনুষ্ঠিত হয় । প্রসংগত, তিনি বছৰ আগতে দক্ষিণ দমদমৰ ডেংগী পৰিস্থিতি ইমানেই ভয়াৱহ হৈছিল যে, চৰকাৰৰ ভর্তসনাৰ সন্মুখীন হৈছিল পৌৰ প্রশাসন । তারৰ পাছত দুবছৰ পৰিস্থিতি নিয়ন্ত্রণত থাকে যদিও, চলিত বৰ্ষত পুনৰ গা কৰি উঠিছে ডেংগী সংক্ৰমণে ।