টি২০ বিশ্বকাপত তেওঁৰ পাৰফৰমেন্সক লৈ সমালোচনা চলিয়ে আছে । বিশ্বকাপ শেষ হোৱাৰ পাছতো বিতর্কৰ কেন্দ্র ভাৰতীয় ক্রিকেটাৰ হার্দিক পাণ্ড্য । ডুবাইৰ পৰা উভতাৰ পথত মুম্বাই বিমানমন্দৰত তেওঁৰ পৰা দুটা দামি ঘড়ী বাজেয়াপ্ত কৰিছে শুল্ক বিভাগৰ বিষয়াসকলে । যদিও হার্দিকৰ দাবী, সামাজিক মাধ্যমত ভুৱা খবৰ প্ৰচাৰিত হৈছে । তেওঁ ঘড়ীৰ সকলো নথি জমা দিছে ।
সূত্ৰ অনুসৰি, বিশ্বকাপ শেষ হোৱাৰ পাছত ভাৰতীয় দলৰ স’তে দেশত উভতাৰ পাছত মুম্বাই বিমানবন্দৰত হার্দিকৰ পৰা দুটা দামি ঘড়ী প্ৰত্যক্ষ কৰে বিমানবন্দৰত কর্মৰত শুল্ক বিভাগৰ বিষয়াসকলে । ঘড়ী দুটাৰ মূল্য প্রায় পাঁচ কোটি টকা । হার্দিকৰ পৰা ক্ৰয় কৰা বিল চাব বিচৰাত তেওঁ দেখাব পৰা নাছিল । তাৰ পাছত ঘড়ী দুটা বাজেয়াপ্ত কৰে বিষয়াসকলে ।
যদিও পাছত টুইটাৰত হার্দিকে কয়, ‘মই নিজেই মুম্বাই বিমানমন্দৰত শুল্ক বিভাগত গৈ ডুবাইৰ পৰা কিনি অনা ঘড়ীৰ শুল্ক কৰ দিব বিচাৰো । মই তেওঁলোকক জনাইছো, সকলো নিয়ম মানিয়ে ঘড়ী কিনা হৈছে । মোৰ পৰা যি কাগজ বিচৰিছে সকলো জমা দিছো । তাৰ পাছতো মোৰ এটা ঘড়ীৰ মূল্য নির্ধাৰণৰ বাবে সেইটো ৰাখি দিছে বিষয়াসকলে । ঘড়ীটোৰ মূল্য ডেৰ কোটি । মোৰ পৰা দুটা ঘড়ী বাজেয়াপ্ত কৰা বুলি প্ৰচাৰিত খবৰ ভুৱা ।’
— hardik pandya (@hardikpandya7) November 16, 2021
বিগত বৰ্ষত সংযুক্ত আৰৱ আমিৰশাহিৰ পৰা আইপিএল খেলি উভতাৰ পথত হার্দিকৰ ভাতৃ ক্রুণাল পাণ্ড্যৰ পৰাও চাৰিটা দামি ঘড়ী লাভ কৰিছিল শুল্ক বিভাগৰ বিষয়াসকলে । কাগজ দেখুৱাব নোৱাৰাত সেইসমূহ বাজেয়াপ্ত কৰা হয় । সেই সময়ত মুম্বাই ইণ্ডিয়ান্সৰ অলৰাউণ্ডাৰ ক্রুণালে জনাইছিল, তেওঁ জনা নাছিল ঘড়ীকেইটা দেশত আনিবৰ বাবে কাগজ দেখুৱাব লাগিব ।
চলিত বিশ্বকাপৰ প্রতিটো মেচতেই দলত আছিল হার্দিক । আৰম্ভণিতেই, তেওঁক ৰখাৰ বাবে মেনেজমেন্টক ধৰিছিল কিছুসংখ্যক প্রাক্তন ক্রিকেটাৰে । বিশ্বকাপ শেষ হোৱাৰ পাছতো বিতর্কই লগ নেৰিলে হার্দিকৰ ।