অসম সাহিত্য সভাৰ বাগসা জিলা অধিৱেশনক লৈ বিটিআৰৰ কাৰ্যবাহী সদস্য গৌতম দাসৰ সভাপতিত্বত আজি জিলাখনৰ খাৰিজা বিজনীত এখন কাৰ্যকৰী সভা অনুষ্ঠিত হয়৷
অহা বৰ্ষৰ ১৭ আৰু ১৮ জানুৱাৰীত বাগসাৰ খাৰিজা বিজনীত অনুষ্ঠিত হ’ব বাগসা জিলা সাহিত্য সভাৰ নৱম দ্বিবাৰ্ষিক অধিৱেশনখন৷
অধিৱেশনখন সাফল্যমণ্ডিত কৰাৰ বাবে ইতিমধ্যে তৎপৰ হৈ পৰিছে আয়োজক সমিতিৰ লগতে স্থানীয় সাহিত্যপ্ৰেমী ৰাইজ৷
যাৰ বাবে বিটিআৰৰ কাৰ্যবাহী সদস্য গৌতম দাসৰ সভাপতিত্বত দক্ষিণ খাৰিজা বিজনী হাইস্কুলত আদৰণি সমিতিৰ সপ্তমখন কাৰ্যকৰী সভা অনুষ্ঠিত হয়৷
সভাত অধিৱেশনখনৰ বাবে বৰঙণি, মঞ্চ সজ্জা, স্মৃতিগ্ৰন্থ আদি বিভিন্ন দিশ সম্পৰ্কে আলোচনা কৰা হয়৷সভাত অধিৱেশখনৰ আদৰণি সমিতিৰ বিষয়ববীয়া আৰু একাংশ সাহিত্যপ্ৰেমী উপস্থিত থাকে৷