মাত্ৰ দুদিনতে ব্রিটেইনত প্রায় দুগুণ অ’মিক্রন আক্রান্তৰ সংখ্যা বৃদ্ধি পালে । বিশেষজ্ঞসকলৰ মতে, এইটো আৰম্ভণি মাত্র !
চৰকাৰী সংগঠন ‘ছায়েন্টিফিক এডভাইজৰি গ্রুপ ফৰ ইমার্জেন্সিছ’ (ছেজ)-ৰ দাবী, প্রতিদিনে হেজাৰ হেজাৰ লোক অ’মিক্রনত আক্রান্ত হৈছে । চৰকাৰী পৰিসংখ্যাত সেয়া অন্তর্ভুক্ত কৰা নাই । ছেজৰ বক্তব্য, ‘‘ছায়েন্টিফিক মডেলৰ পৰা পোৱা ইংগিত অনুসৰি তাত অ’মিক্রন সংক্রমণ শীৰ্ষত পালে ইংলেণ্ডৰ হাস্পাতালত দৈনিক তিনি হেজাৰ ৰোগী ভর্তি হোৱাৰ দৰে পৰিস্থিতিৰ সৃষ্টি হ’ব পাৰে ।’’ প্রসংগত, বিগত জানুৱাৰীতেই ব্রিটেইনত টিকাকৰণ দ্রুত গতিত আৰম্ভ হোৱাৰ আগ দিনাখন চাৰি হেজাৰ লোক হাস্পাতালত ভর্তি হয় ।
ব্রিটিছ প্রশাসনৰ তথ্য অনুসৰি, বিষয়াসকলে এনে ধৰণৰ খচৰা প্ৰস্তুত কৰিছে যি অনুমোদন পালে ইংলেণ্ডত বৰদিনৰ পাছত দুসপ্তাহ কঠোৰ বিধিনিষেধ জাৰি হ’ব পাৰে । তেতিয়া ঘৰৰ ভিতৰতো পার্টী বা সমাগম বন্ধ থাকিব । ঘৰৰ বাহিৰত ছজনৰো অধিক ভিৰ কৰিব নোৱাৰিব । তেনে সময়তে জনস্বাস্থ্য পৰিস্থিতিক লৈ সপ্তাহান্তত স্কটলেণ্ড, ৱেলছ আৰু নর্ডার্ন আয়াৰলেণ্ডৰ প্রশাসনৰ স’তে এটা বৈঠকত মিলিত হোৱাৰ সম্ভাৱনা বৰিছ জনছনৰ ।
অতিমাৰী আৰম্ভ হোৱাৰ পৰা এয়ে প্রথম বৃহৎ হাৰত সংক্রমণ বৃদ্ধি পাইছে ব্রিটেইনত । বৃহস্পতিবাৰ পর্যন্ত দেশখনত সাতজন অ’মিক্রন আক্রান্তৰ মৃত্যু হৈছে বুলি অনুমান কৰা হৈছে । যদিও এই সন্দৰ্ভত চৰকাৰীভাৱে কোনো তথ্য জনোৱা নাই । চৰকাৰী হিচাপ অনুযায়ী অ’মিক্রনত মৃত্যুৰ সংখ্যা এজন । এই ষ্ট্ৰেনত আক্রান্ত হৈ হাস্পাতালত ভর্তি হোৱা ৰোগীৰ সংখ্যা ৬৫ৰ পৰা বৃদ্ধি হয় ৮৫ হৈছে ।
বৰদিনৰ সময়ছোৱাত অ’মিক্ৰনৰ সংক্ৰমণ বৃদ্ধি পোৱাত উদ্বিগ্ন নেদাৰলেণ্ড চৰকাৰ । প্রধানমন্ত্রী মার্ক ৰুতে জনায়, বৰদিনৰ সময়ত দেশজুৰি কঠোৰ তলাবন্ধ জাৰি কৰা হ’ব । অ’মিক্রনৰ সংক্রমণ ৰোধ কৰিবলৈ ব্রিটেইনৰ পৰা যাত্রীৰ আগমন নিষিদ্ধ কৰিলে জার্মানীয়ে । দেওবাৰে সন্ধিয়াৰ পৰাই জাৰি কৰা হৈছে এই বিধি । জার্মান নাগৰিকসকলৰ বাবে বিধি কিছু শিথাল কৰা হৈছে । ক’ভিড নেগেটিভ ৰিপ’র্ট দি তেওঁলোকে দেশত প্ৰৱেশ কৰিব পাৰিব । অৱশ্যে দুসপ্তাহ কোৱাৰেন্টাইনত থকা বাধ্যতামূলক ।
ইপিনে, ২০২০ত অতিমাৰী আৰম্ভৰ সময়ত আমেৰিকাত সংক্রমণৰ অন্যতম কেন্দ্ৰবিন্দু হৈ পৰিছিল নিউ ইয়র্ক । এইবাৰো জল সেয়াই হ’ব বুলি ধাৰণা কৰিছে বিশেষজ্ঞসকলে । ক’ভিড পৰীক্ষা কেন্দ্রত প্ৰতিদিনে জনসাধাৰণৰ হাৰ বৃদ্ধি পাইছে । যিয়ে সেই দিশেই ইংগিত দিছে বুলি মত বিশেষজ্ঞসকলৰ ।
ব্রুকলিন এলাকাত ইখনৰ পাছত সিখন ৰেস্তোৰাঁ বন্ধ হ’বলৈ লৈছে । নিউ ইয়র্কত শনিবাৰেও ৰেকর্ড গঢ়িলে সংক্রমিতৰ সংখ্যাই ।