বিগত দুবছৰত ছনু ছুদ (Sonu Sood) আক্ষৰিক অর্থেই বহু লোকৰ জীৱনত হৈ পৰিছে ‘মছিহা’ (masiha) বা উদ্ধাৰকর্তা । তেওঁৰ সমাজসেৱাৰ খতিয়ান দিয়াৰ কোনো প্রয়োজন নাই কাৰণ ছ’চিয়েল মিডিয়াৰ জৰিয়তে তেওঁৰ কাম সহজেই দেখে জনসাধাৰণে । সমাজসেৱাৰ লগতে এইবাৰ নিজৰ ফিল্মি কেৰিয়াৰৰ দিশতো গুৰুত্ব দিছে অভিনেতাজনে । বলিউডৰ লগতে দক্ষিণী ছবিতো একাধিক কাম কৰিছে ছনুৱে । বুধবাৰে পুৱা এটা পোষ্টাৰ শ্বেয়াৰ কৰে ছনুৱে । পোষ্টাৰত লিখা আছিল ‘What’s Next ?’ ইয়াৰ পৰাই আৰম্ভ হৈছে নতুন জল্পনা ।
তলাবন্ধত জনসাধাৰণক সহায় কৰাৰ বাবে বাৰে বাৰে খবৰৰ শিৰোনামত আহে ছনু ছুদৰ নাম । বুধবাৰে পুৱা ছনুৱে তেওঁৰ অনুগামীসকলৰ বাবে এটা ছাৰপ্রাইজ লৈ আহে । তেওঁৰ নতুন পোষ্টাৰক লৈ আৰম্ভ হৈছে জল্পনা-কল্পনা । কাৰণ ছবিৰ কেপচনত অভিনেতাজনে লিখিছে, ‘নতুন মিছনৰ পর্দা উন্মোচন’ । পোষ্টাৰটো তৈয়াৰ কৰা হৈছে নম্বৰৰ থিমত । অভিনেতাৰ মুখৰ ওপৰতো দেখা গৈছে নম্বৰ । সূত্রৰ খবৰ, অতি শীঘ্রেই বৃহৎ ঘোষণা কৰিব ছনুৱে । অভিনেতাজনো সেই ঘোষণাক লৈ এক্সাইটেড । “লার্জাৰ ডেন লাইফ” হ’ব সেই খবৰ । অনুগামীসকলক ছাৰপ্রাইজ দিব অভিনেতাই ।
Unveiling a new mission ?🤔 pic.twitter.com/E5ilx0jtqV
— sonu sood (@SonuSood) December 22, 2021
ছনুৰ ছবিক লৈ উত্তেজিত তেওঁ অনুগামীসকল । কমেন্ট বক্সত কোনোৱে লিখিছে, প্রজেক্ট সম্পর্কে আৰু ডিটেইলছ শ্বেয়াৰ কৰক । কোনো কোনোৱে আকৌ ছনুক উদ্দেশ্যি ভালপোৱাৰ ইম’জি প্ৰেৰণ কৰিছে, কোনোৱে লিখিছে প্রজেক্টৰ অপেক্ষাত আছো ।