নিশা ১২ বজাত সীতানাথ ব্ৰক্ষ্ম চৌধুৰী ছাত্ৰাবাসৰ একাংশ ছাত্ৰই অশ্ৰাব্য গালি-গালাজ কৰাৰ লগতে শিল, মদৰ বটল, লাঠী দলিয়াই ।
মদৰ বটল আৰু শিল দলিয়াই বহুকেইখন খিৰিকীৰ গ্লাছ ভাঙে ।
এমএনডিপি হোষ্টেলৰ কোনো ছাত্ৰ আঘাতপ্ৰাপ্ত হোৱা নাই যদিও গোটেই নিশা উজাগৰে শংকাত কটাবলগীয়া হয় ।
আক্ৰমণৰ সময়ত বিশ্ববিদ্যালয়ৰ কৰ্তৃপক্ষক অৱগত কৰে যদিও কৰ্তৃপক্ষই গুৰুত্ব নিদিয়াৰ অভিযোগ ।
মঙলবাৰে দিনৰ ভাগত হৈছিল ভোটগ্ৰহণ ৷ বুধবাৰে ফলাফল দিয়াৰ আগতে এই ঘটনা সংঘটিত হয় ।
এমএনডিপি ছাত্ৰাবাসৰ পৰা এইবাৰ নিৰ্বাচনত কে’বাগৰাকী ছাত্ৰই প্ৰতিদ্বন্দ্বিতা আগবঢ়াইছিল ।
বিগত সময়ত এমএনডিপি ছাত্ৰাবাসৰ পৰা প্ৰতিদ্বন্দ্বিতা আগবঢ়োৱা ছাত্ৰ বহু কেইজন নিৰ্বাচনত বিজয় সাব্যস্ত কৰিছিল ৷