কৰ’না ভাইৰাছ সংক্রমণ কিছু নিয়ন্ত্রণত অহাৰ বাবে দিল্লীত সপ্তাহ অন্তৰ সান্ধ্য আইন শিথিল কৰাৰ সিদ্ধান্ত লৈছে অৰবিন্দ কেজৰিৱাল চৰকাৰে । শুকুৰবাৰে এই বিষয়ত নির্দেশনা অনুমোদনৰ বাবে লেফটেনেন্ট গভর্নৰ অনিল বৈজলৰ কাৰ্যালয়ত প্ৰেৰণ কৰা হৈছে ।
প্রসংগত, চলিত বৰ্ষৰ ১৪ জানুৱাৰীত দিল্লীত কৰ’না আক্রান্তৰ দৈনিক সংখ্যা ৩০ হেজাৰৰো অধিক হৈছিল । ইয়াৰ পাছতেই ৫০ ঘণ্টাৰ সাপ্তাহান্তিক সান্ধ্য আইন জাৰি কৰিছিল দিল্লী চৰকাৰে ।
বৃহস্পতিবাৰে দিল্লীত নতুনকৈ ১০,৩০৬ জন সংক্রমিত হৈছে । যি তাৰ আগৰ ২৪ ঘণ্টাৰ তুলনাত ১০.৭২ শতাংশ অধিক । যদিও মৃত্যুৰ সংখ্যা আছিল ৪৩ । বিগত বৰ্ষৰ জুনত দিল্লীত দৈনিক মৃত্যুৰ সংখ্যা ৪৪ হৈছিল ।