ৰুচি আৰু অদম্য ইচ্ছাশক্তিয়ে মানুহক কিমান দূৰ আগুৱাই নিব পাৰে, তাৰেই নিদর্শন দিলৈ কেৰালাৰ এজন বিদ্যুৎ মিস্ত্রীয়ে । তেওঁ কাঠেৰে হুবহু এনফিল্ড বুলেট মোটৰবাইক তৈয়াৰ কৰিলে ।
নাম জিদহিন কৰুলাই । কিছু বছৰ আগতে কাঠৰে বিভিন্ন ধৰণৰ মোটৰবাইক বনোৱা আৰম্ভ কৰে কৰুলাইয়ে । তেওঁ এজন বিদ্যু্ৎ মিস্ত্রী হ’লেও কাঠেৰে বিভিন্ন ধৰণৰ মূর্তি তৈয়াৰৰ প্রতি ৰুচি তেওঁৰ শৈশৱৰ পৰাই । ইয়াৰ আগতে এটা সৰু বাইক বনাই সংবাদৰ শিৰোনামত আহিছিল কৰুলাই ।
কিন্তু এইবাৰ প্রমাণ আকাৰৰ বুলেট বনাই সকলোকে তেওঁ চমক দিলে । বাইকৰ চকাও কাঠেৰে তৈয়াৰ কৰিছে কৰুলাই । তেওঁ জনাইছে, দুবছৰ আগতে এই বাইক তৈয়াৰ কৰা আৰম্ভ কৰে । মালয়েছিয়ান কাঠ, চেগুন কাঠৰে বাইকৰ নানা অংশ তৈআৰ কৰিছে । এই কাৰ্যত প্ৰকৃত এনফিলন্ড বুলেট তৈয়াৰ কৰিবলৈ যিমান খৰচ হয়, সিমানেই খৰচ হৈছে বুলি জনাইছে কৰুলাই । প্ৰকৃত মটৰচাইকেল আৰু ইয়াৰ মাজত পাৰ্থক্য এটাই, সেইবোৰ সচল আৰু এইটো চলন শক্তিহীন ।